It(em) nae dien dat bijden raide vander stadt her/ mathijs de haen priest(er) als p(ro)cur(eur) jans doir coopman/ van colen te kynne(n) heeft doen gheven t(er) eenre soe/ dat hij berthelmeeus henricx sone int p(er)deken alh(ier)/ te loeven(e) gheimpetreert hadde seke(r) ma(n)deme(n)te van/ / reformatien tot bruessele inder sake(n) die alhier gewesen was/ en(de) get(er)mineert bijden raide in tijden voirlede(n) nae dien/ dat die bij scepen(en) bedinct was en(de) den selve raide/ ov(er)geg(even) dair van den dach dienen(de) was te bruessele/ bijden selve(n) raide in brabant des sondaigs naistcomen(de)/ navolgen(de) den selve(n) mandemente(n) en(de) der executie(n)/ dair van geschiet Bege(re)nde alsoe de voirs(creven) p(ro)cur(eur) dat de/ stadt dair van ov(er)sinden woude de selve gewijsde vo(n)nisse/ als staen(de) int regist(er) vander stadt onder den raide/ sec(re)tar(is) in hande(n) vander stad raide voirs(creven) navolgen(de)/ den selve(n) mademente(n) soe dat behoirde en(de) oic b(er)thel/ meeuse in dien bedwonge(n) te hebben(e) en(de) dat tvo(n)nisse/ voldade op cautie soe dat behoirde nade p(ri)vilegien/ vand(en) land(e) Dair tege(n) b(er)thelmeeus voirs(creven) compa(rer)ende/ t(er) ande(r) zijd(en) nae dien dat hij bijde(n) raide hadde/ geweest en(de) gesproke(n) hadde te vrede(n) was zijne/ reformatie af te gaen(e) en(de) de mate(r)ie weder o(m)me/ voe(r) tvorste gerichte inne te steken(e) uute(n) selve(n) acte(n)/ en(de) oic uut nueuwe(n) p(ro)ductien en(de) bescheide d(aer) hij d(aer)/ zedert den leste(n) vonniss(en) bevond(en) hadde bege(re)nde d(aer)/ toe geadmitteert te wordden(e) inder mate(n) dat hij dat/ tande(re)n tijde(n) en(de) goets tijts beg(er)t en(de) versocht na/ volgen(de) den p(ri)vilegie vand(en) land(e) Te weten(e) den/ xi article vander intcomst inder mate(n) tselve den/ raide wel indenkich was gaen(de) alsoe af in p(rese)ncie(n)/ vand(en) selve(n) raide de voirs(creven) i(n)for(ma)tie geloven(de) die/ met te vervolgen(e) te des(er) instan(tie) bliven(de) op des voirs(creven)/ steet Gheven(de) oic te kenne(n) dat hij beret wae(r)/ tselve yerste vo(n)nisse te voldoen op cautie (et)c(etera) soe dat/ behoirde nad(en) selve(n) p(ri)vilegie en(de) dat d(aer) van en(de)/ tot behoef van dien hij seke(r) penni(n)ge(n) opde(n) wissel/ gestelt hadde tot behoef van zijnre wederp(ar)tien/ hem des gedragen(de) totten selve(n) wissele en(de) de borse/ aldair met meer woirde(n) in wedersijden gebeurt/ / Es gewesen ende uutgesproken voe(r) trecht tusschen/ de voirs(creven) p(ar)tien hen in des voirs(creven) steet verhoirt zijnde/ den raet dair op gelet hebben(de) en(de) te bynne(n) sijnde/ dat berthelmeeus de selve reformatie goets tijts versocht/ hadde dat de selve b(er)thelmeeus de voirs(creven) sake en(de)/ questie navolgen(de) den p(ri)vilegie(n) en(de) article vand(en)/ lande(n) voirs(creven) sal moege(n) wedero(m)me innesteke(n) teghen/ zijne wederp(ar)tie voe(r) dyerste gerichte te weten(e) voe(r)/ meye(r) en(de) scep(enen) alhier voldoen(de) nochtans tvorste/ gewijsde op cautie navolgen(de) den selve p(ri)vilegie(n) in/ consilio opidi maii xii