It(en) de eerweerdighe hee(r) en(de) vader in gode h(er) anth(oon) van glymes/ bijder gratie(n) gods abt des godshuys van s(in)t truyden in p(rese)ntia/ heeft gekint en(de) gelijdt dat hen de voirs(creven) p(er)sone(n) zijn mage(n)/ en(de) vriende(n) op heden gelijc voe(r) aen de voirs(creven) p(er)sone(n) v(er)obligeert/ en(de) verbonde(n) hebbe(n) en(de) oic mede aen marie(n) van grettekem/ voe(r) vier cron(en) te xxv stuv(er)s tstuc erflic aen janne en(de) barbele(n)/ vander hoeve(n) voe(r) vier rijnsch g(ulden) aen m(ar)griete(n) ghijsels en(de)/ g(er)truyd(en) van vlaende(re)n voe(r) vijf gelijke cron(en) te xxiiii st(uvers) tstuc/ aen der selv(er) m(ar)griete(n) ghijsels en(de) clementien van vlaende(re)n/ oic vijf gelijke crone(n) aen meest(er) pet(ere)n gielijs en(de) jacoppe/ van baussele voe(r) vijf rijnsch g(ulden) al lijftochte(n) gelijc dat inde/ yerste came(r) opde(n) datu(m) van heden oic geregistreert steet aen/ augustine van kolen voe(r) vijf rijnsch g(ulden) aen symoen h(er)mans/ barbier voe(r) sesse rijnsch g(ulden) beide erflic aen den selven/ symoen(e) en(de) m(ar)griete(n) vand(en) poele zijne(n) wive vijf rijnsch g(ulden)/ en(de) aen meeste(re)n lenarde en(de) g(er)truyde(n) vand(en) zande kind(ere)n giel(ijs)/ vand(en) zande voe(r) v drie rijnsch gul(den) beyde lijfochte(n) gelijc dat/ inde derde came(r) opd(en) datum van hede(n) oic ge(re)gistreert steet/ dat zij dat tot zijnder liefden eenstige(n) begeert en(de) versueckt/ gedaen hebbe(n) En(de) dat hij de penni(n)ge vand(en) selve(n) gecome(n) geh/ geheelic en(de) al tot behoef en(de) in orbe(r)e en(de) prouffijte zijns/ voirs(creven) godshuys ontfange(n) heeft en(de) bekeert Bekinnen(de) mids/ dien dat hij zijn voirs(creven) godshuys en(de) heu(r)e goede(n) de voirs(creven)/ p(er)sone(n) sculdich zijn geheelic en(de) al d(aer) af costeloes en(de) schadeloes/ te houden(e) en(de) tontheffen(e) tot eeuwige(n) dage(n) Ende heeft/ dair o(m)me renu(n)cian(tes) als voe(r) geloeft en(de) geloeft mids des(en) d(en)/ selve p(er)sone(n) geheelic en(de) al d(aer) voe(r) af en(de) van allen costen/ / en(de) lasten die zij dair om soud(en) moete(n) lijd(en) zij wae(re)n van rechte/ oft ande(r) costeloes en(de) schadeloes tontheffen(e) Ende dat hij/ hen bynne(n) xiiii nachte(n) naistcomen(de) sal doen hebbe(n) brieve va(n)/ zijne(n) godshuyse besegelt met zijne(n) seghele en(de) oic mette(n)/ seghele vand(en) convente dair mede tvoirs(creven) godshuys beki(n)ne(n)/ sal de voirs(creven) penni(n)ghe ontfange(n) te hebben(e) en(de) in heu(r)en prouf/ fijte en(de) noetorbe(r) bekeert en(de) d(aer) inne zij gelove(n) sulle(n) de/ voirs(creven) p(er)sone(n) gelijc voirs(creven) es d(aer) af costeloes en(de) schadeloes/ te houden(e) en(de) tontheffen(e) en(de) d(aer) voe(r) veroblige(re)n hen en(de) alle heu(r)e/ goede beruerlic en(de) omberuerlic met oic den (con)sente en(de) octroye/ van heu(r)en ov(er)sten in sulk(er) forme(n) en(de) manie(re)n dat elc hem des/ verstaen(de) segge(n) sal moege(n) dat zij tot heu(r)er ontlastinge(n) d(aer) mede/ bewairt sulle(n) zijn En(de) dat hij oic behoirlic sal bringe(n) behoirlic/ octroy en(de) consent vand(en) ghemeyne(n) convente bynne(n) de(n) selven/ xiiii nachte(n) d(aer)mede hem met twee zijne(n) conventualen die hij/ met hem bringe(n) sal geco(m)mitteert sal en(de) ge(con)senteert van sgodshuys/ wege(n) hen ind(en) name des voirs(creven) godshuys en(de) heu(r)e goede aen(de)/ p(er)sonen voirs(creven) te verbind(en) voe(r) scepen(en) van loeven(en) oft elde(r) d(aer) des/ behoeven en(de) van noode wesen sal en(de) dairt de voirs(creven) p(er)sone(n)/ aut sulle(n) versueken in seke(r) grooten so(m)men van penni(n)ghe(n)/ dair mede de selve p(er)sone(n) aut hen aen tvoirs(creven) godshuys en(de)/ heu(r)e goede sulle(n) moege(n) doen lossen en(de) ontheffen vander/ voirs(creven) borchtochte(n) en(de) van allen costen en(de) lasten zij waren/ van rechte oft anders en(de) dat talle(n) tijden alst hen oft den/ eene(n) van hen gelieve(n) en(de) goetdu(n)cke(n) sal en(de) al t(er) coste des/ voirs(creven) godshuys En(de) heeft geloeft dat hij zijn officie(re)n ende/ rentmeest(ere)n van sgodshuys wege(n) bynne(n) brabant gelege(n) in dien/ hebbe(n) sal dat hij hen den tijt van heu(r)en officie(n) dueren(de) sulle(n) come(n)/ verbinde(n) voe(r) scepen(en) van loeven(e) dat hij de pri(n)cipale penni(n)ghe/ vand(er) voirs(creven) rente(n) alle jai(r)e alh(ier) in tijts sulle(n) bestelle(n) opden/ wissel alsoe dat de vooge(n) dair af gheen schade lijde(n) en sulle(n)/ soe langs en(de) aen dier tijt toe dat de voirs(creven) rente ge/ heelic en(de) al sullen zijn gelost en(de) gequete(n) Welc v(er)binde(n)/ hij den selve(n) zijne(n) rentmeest(ere)n voe(r) nu voe(r) alsdan alsoe geconsenteert/ ende belieft heeft coram berghe tants junii xix