Alsoe als ten v(er)volghe arnts scrijne die ov(er)mits/ vo(n)niss(en) van scepen(en) brieve(n) va(n) loven(e) voer sijn wettich/ gebrec come(n) en(de) beleydt is na den rechte der stad/ va(n) loven(e) tot allen den goeden beyde have ende erve/ arnts wilen vand(er) elst en(de) henricx wilen meester/ Gescreve(n) es geweest den meye(r) van werchte(r) oft/ sijne(n) stadhoude(r) hem de selve goede te leve(re)n ende/ te doen volghen ende oft de kinde(re) des voirs(creven)/ wilen arnts en(de) de wed(uwe) en(de) kinde(re) des voirs(creven)/ wilen henricx oft yemant and(er)s daer tegen yet/ seggen oft allege(re)n wilden oft hen e(n)nich recht/ totte(n) voirs(creven) goede(n) v(er)mete(n) dat sij des quame(n) tot/ eene(n) zeke(re)n daghe mits v(er)striken(e) va(n) genechten/ op heden dienen(de) alh(ier) voer meye(r) en(de) scepen(en) int/ recht Ald(aer) sij noch niema(n)t van hue(re)n wegen come(n)/ en sijn den voirs(creven) geleydden compare(re)nde en(de) trecht/ v(er)suekende doende oic blijcken resc(ri)pcie oft certificacie/ vande(n) voirs(creven) meye(r) dexecucie en(de) dach bescheydi(n)ge/ bij hem navolgen(de) den v(er)suecbrieve(n) geschiet te sijne/ Soe hebbe(n) de scepen(en) va(n) loven(e) t(er) manesse(n) smeyers/ gewijst voer een vo(n)nisse soe v(er)re des voirs(creven) geleydde(n)/ wed(er)p(ar)tije niet en quame te(n) opstane smeyers ende/ van hen scepen(en) datme(n) hem dan vanden voirs(creven)
//
goeden houden sal in sijne(n) voirs(creven) beleyde tot/ sijne(n) wettigen gebreken behoef alsoe v(er)re alst noch/ voer hen scepen(en) comen es cor(am) eisd(em)