It(em) machtelt weduwe jaquemairts wile(n) pouly in p(rese)n(ti)a heeft/ quijtgeschouwe(n) en(de) scelt mids dese(n) quijte alle trecht p(ro)p(ri)eteit/ en(de) actie dat de voirs(creven) wile(n) jaquemair heur ma(n) [hadde] oft hebbe(n)/ in alle de goede beyde have en(de) erve die bleve(n) zijn van en(de)/ nader doot en(de) aflivicheit jans wile(n) cockeroul en(de) heylwige(n)/ zijnder huysvrouwe(n) te wat plaetse(n) die gelege(n) zijn en(de) met/ wat name(n) die genoempt zijn bekinnen(de) heur dair aen niet meer/ rechts te hebben(e) Sceldende voirts quijte de(n) voirs(creven) janne wile(n)/ cockeroul heylwige(n) wile(n) zijnder huysvrouwe(n) en(de) heur/ goede van alle(n) geloefte(n) scepen(en) brieve(n) sculde(n) oft so(m)me(n) va(n) penni(n)ge(n)/ die zij de(n) selve(n) oft heure(n) goede(n) eysschen(de) mocht sijn Consente(re)nde/ en(de) ov(er)geven(de) dat jehan tyria en(de) mathijs ancelijn die heur/ p(ro)cur(eur)s sijn dat sij raese van lynthe(r) bastairt in heure(n) name(n)/ van desen en(de) des des(en) aencleeft doen alle behoefte van guedi(n)ge(n)/ quite(re)n oft anders van heur(e)r actie voirs(creven) die sij selve soude(n) moege(n)/ doen ter plaetsen dair des behoeve(n) sal en(de) hij aen hen des/ versuecken sal Promitt(ens) ratum coram hove tants/ februarii xiii