Aldair voe(r) den raide vander stadt comen zijn meest(er) jan mota/ licentiaet voe(r) hem en(de) johannes heyms ind(en) name vande(n) kinde(re)n/ van wynge (et)c(etera) die ald(air) ontboden hadde(n) joese den becke(re) den jongen/ om van hem betalinge te hebben van seke(re)n pachte die hij hen sculdich/ was van seke(re)n lande onder heverle gelegen de welcke de selve/ joes tege(n) den selven meest(er) janne te pachte genomen heeft/ D(air) op joes seyde dat hij bereet was te betalen behalven dat/ hem afslach gedaen wordde vand(er) groot(er) schaden die hij gehadt/ en(de) geleden heeft van hagelslage en(de) tempeeste gelijc ande(re)n/ Es bijden raide vander stadt nae dat zij hen in beide(n) zijden vand(en)/ selven afslage ind(en) selven raide gesubmitteert en(de) verbonden/ hadde(n) uutghesproken en(de) gheappointeert dat de voirs(creven) joes/ vande(n) pachte die hij sculdich es betalen sal de tweedeele en/ tderde ghedeelte sal hem in recompensien van zijnd(er) schaden/ tafslage comen Act(um) in consilio opidi martii xvi