Alsoe als ten vervolge claes gielijs als p(ro)cur(eur) vrouwe(n) kathlijne(n)/ alsoloens weduwe h(ere)n [wijle(n)] jans van ranshem ridd(er)s die met scepen(en)/ brieve(n) van loeven(e) jairlijx heeft thien lovensche schilde erffelic/ aen en op thoff van daelhem en(de) ande(re)n p(or)ceele(n) te weten huyse(n)/ hove(n) bog(ar)den wat(er)moelen(en) en(de) twee beempde(n) d(aer) aen gelege(n) wille(m)s/ van daelhem gelege(n) inde p(ro)chie van sinte pet(er)s vissenaken gescr(even)/ es gheweest den meye(r) van cumptich oft zijne(n) stedehoudere/ hem de selve goede voe(r) gebreck der voirs(creven) renten te leve(re)n en(de) te/ doen volge(n) Ende oft de voirs(creven) wille(m) oft yemant and(er)s tegen/ de voirs(creven) scepen(en) brieve(n) yet segge(n) oft allige(re)n wilde dat hij des/ / quame tot eenen sek(ere)n daghe van rechte mids verstriken(e) van/ ghenechte(n) op heden dienen(de) alh(ier) quame voe(r) meye(r) en(de) scep(enen) int recht/ gelijck de versueck brieven dat voirder inhielden Aldair de voirs(creven)/ wille(m) noch nyeman(de) van sijne(n) wege(n) gecomp(ar)eert en es den/ voirs(creven) claese compa(re)ende en(de) trecht voirt versuecken(de) doende/ oic blijken certificatie vand(en) meyer van cumptich dat hij dexploit/ gedaen hadde en(de) p(ar)tien dach bescheiden Soe hebbe(n) de scep(enen) va(n)/ loeven(e) t(er) maniss(en) smeyers ghewijst voe(r) een vonisse soe v(er)re/ des voirs claes wederp(ar)tie niet en quame te(n) opstaen(e) smeyers/ en(de) va(n) hen scepen(en) datme(n) he(m) dan vand(en) voirs(creven) goeden houde(n) sal in/ zijnre leveringe(n) tot zijne(n) gebreke behoef alsoe verre alst/ noch voe(r) hen scepen(en) comen es coram om(n)ibus dempt(is) py(n)nock/ roelants aprilis penultima