Alsoe als ten vervolge h(ere)n jans pynnock ridders die met scepen(en)/ brieve(n) van loeven jairlijcx heeft vijfthien rijders erflic aen/ en(de) op de goede hier nae bescreve(n) h(ere)n jans wile(n) uute(n) lyemi(n)ghe(n)/ ridders gescreve(n) es geweest den meye(r) van willebringe(n) oft/ zijne stedehoude(r) hem de selve goede voe(r) gebreck der selver/ rente te leve(re)n en(de) te doen volge(n) Ende oft de mo(m)boe(re)n en(de)/ wynne(n) vand(en) erfgename(n) des voirs(creven) wile(n) h(ere)n jacops oft yemant/ and(er)rs teghen de voirs(creven) scepen(en) br(ieven) yet segge(n) wilde(n) oft anderssins/ allige(re)n dat hij des op hede(n) quame(n) tot eene(n) selv(er) dage van rechte/ mids verstriken(en) van genechte(n) op heden dienen(de) alh(ier) voe(r) meye(r) en(de)/ scepen(en) int recht gelijc de versueckbr(iev)[e] dat voirder inhielden Ald(aer)/ de voirs(creven) mo(m)boe(re)n wy(n)nen noch nieman(de) van heu(r)en wege(n) come(n)/ en es en(de) willem van leele als p(ro)cur(eur) des voirs(creven) h(ere)n jans te/ rechte come(n) es trecht voirt versuecken(de) doen(de) oic blijken c(er)tificate/ van gielijse eveloege bode der stadt van loeven(e) dat dexecutie/ navolgen(de) den voirs(creven) versuecke geschiet was en(de) p(ar)tie(n) dachbe/ scheiden Soe hebben de scepen van loeven t(er) maniss(en) smeyers/ gewijst voe(r) een vonnisse soe verre des voirs(creven) h(ere)n jans weder/ p(ar)tien niet en quame ten opstaen(e) smeyers en(de) van hen scepen(en)/ / datmen hen dan vanden voirs(creven) goeden houden sal in zijnre leveri(n)ghe(n)/ tot zijnen gebreke behoef alsoe verre also noch voe(r) hen scepen(en)/ comen es coram om(n)ibus dempt(is) py(n)nock roelants ap(ri)lis pe(nulti)[ma]

H(ier) nae volghe(n) de goede dair voe(r)/ mentie af gemaict es/ Ierst eene(n) hof met zijne(n) toebehoirte(n) houden(de) iii(½)/ dachmale geheete(n) henne(n) moens hof geleghe(n)/ te willebringhe(n) tusschen de goede d(er) erfgename(n)/ jacops wijlen uuyter lyemi(n)ghe(n) en(de) de goede/ jacops van bost Item eene(n) hof mette(n) bee(m)pde/ d(aer) toe behoiren(de) gelege(n) ald(aer) gheheete(n) swilde(n) beempt/ tusschen de goede d(er) voirs(creven) erfgename(n) in drije/ sijden strecken(de) acht(er)weert totten bruexken ald(aer)/ Item eene(n) boogart ald(aer) geheete(n) den spect bee(m)pt/ tussche(n) de goede d(er) erfgename(n) voirs(creven) en(de) de stee(n)/ voirtstrate Item eene(n) beempt gheheete(n) botreck/ beempt gelege tussche(n) de goede d(er) erfgename(n)/ voirs(creven) en(de) claes de keersmake(re) Item eene(n) beempt/ houden(de) twee boend(er) gelege(n) ald(aer) tusschen de goede/ en(de) d(er) erfgename(n) en(de) de steenvoirtstrate voirs(creven)/ Item eene(n) bee(m)pt geleghe(n) int gemeyn broeck/ ald(aer) tussche(n) de meene en(de) de goede claes de/ kersmake(re) Item eene(n) beempt gheheete(n) wille(m)/ moys beempt gelege(n) tussche(n) de meene voirs(creven)/ en(de) de strate aldair Item eene(n) beempt/ gheheete(n) he(n)ne(n) moens beempt gelege(n) tussche(n)/ de meene voirs(creven) en(de) dbroeck van willebri(n)ge(n)/ Item eene(n) beempt int gemeyn broeck ald(aer)/ gelege(n) tussche(n) de goede tscloesters van s(in)[t] g(er)truyde(n)/ te loeven(e) en(de) de goede d(er) zielmissen van/ willebri(n)ghen