Alsoe als te v(er)volghe pet(er)s fey geheeten vand(er) straten geleidt/ sijnde na den rechte der stad van loven(e) tot allen den/ goeden beyde have en(de) erve jans willems en(de) willems/ sijns soens gescreve(n) es geweest den meye(r) va(n) arschot/ oft sijne(n) stadhoude(r) hem de selve goede te leve(re)n ende/ peysselic te doen volghen ende oft de voirs jan ende/ willem sijn sone oft yemant and(er)s daer teghen yet
//
seggen oft allege(re)n wilden dat sij des quame(n) op hede(n)/ als ten naesten v(er)straken(en) daghe va(n) rechte alh(ier) voer meye(r)/ en(de) scepen(en) van loven(e) int recht gelijc de brieve dat/ naerde(r) inhielde(n) Ende de voirs(creven) jan willem sijn sone/ noch niema(n)t van hue(re)n weghen op heden te rechte/ niet comen en sijn den voirs(creven) geleidden compare(re)nde/ en(de) trecht voirt versuekende doende oic blijken resc(ri)pcie/ oft certificacie vanden voirs(creven) meye(r) dat hij dexecucie/van navolgen(de) den voirs(creven) scriven(en) gedaen hadde ende/ p(ar)tijen dach bescheyden Soe hebben de scepen(en) van/ loven(e) t(er) manissen smeyers gewijst voer een vo(n)nisse/ soe v(er)re des voirs(creven) geleydden wed(er)p(ar)tije niet en/ quame ten opstane smeyers en(de) van hen scepen(en)/ datme(n) hem dan vanden voirs(creven) goeden houden sal/ in sijne(n) beleyde tot sijne(n) wettigen gebreken behoef/ alsoe v(er)re alst noch voer hen scepen(en) comen es/ cor(am) eisd(em)