Alsoe als ten vervolge jans vande(n) scriecke geleydt sijnde na des(er)/ stadt recht tot allen den goeden beyde have en(de) erve voe(r) zijn/ wettich gebreck jacops wile(n) huene soe wair die gelege(n) sijn/ Gescreve(n) es gheweest met brieve(n) van des(er) stadt aende(n) meye(r) va(n)/ werchte(r) oft sijne(n) stadhoude(r) hem de selve goede te leve(re)n en(de)/ peislic te doen volgen ende oft de kinde(re)n des voirs(creven) wile(n) jacops/ en(de) machtelt die meysen es jacops dair tege(n) yet segge(n) wilde(n)/ dat zij des quame(n) op hede(n) alhier als te naiste(n) verstreken(en)/ dage inde banc voe(r) meye(r) en(de) scep(enen) int recht aldair zij noch/ nieman(de) van heure(n) wegen come(n) en es de(n) voirs(creven) geleidde(n) com/ pa(rer)ende en(de) trecht voirt v(er)suecken(de) Zoe hebbe(n) de scep(enen) van lov(ene)/ yerst aengehoirt pauwele(n) bierman bode des(er) stadt van loeven(e)/ die cleerde bij sijne(n) eede dat de voirs(creven) meye(r) dexecutie navol/ gen(de) den voirs(creven) scriven(e) gedaen hadde en(de) p(ar)tie(n) dach bescheide(n)/ ter maniss(en) smeyers gewijst voe(r) een vo(n)nisse soe verre des/ voirs(creven) geleidde wederp(ar)tie niet en quame ten opstaen(e) smeyers/ en(de) van hen scepen(en) datme(n) hem vand(en) voirs(creven) goeden houde(n) sal/ in sijne(n) voirs(creven) beleide tot sijne(n) wettige(n) gebreke behoef alsoe v(er)re/ alst noch voe(r) hen scep(enen) come(n) es cora(m) om(n)ib(us) dempt(is) py(n)nock/ roelants naus(nydere) februarii xiiii