Alsoe als ten v(er)volghe ja(n)nes heyms geleydt sijnde/ alse procur(eur) vanden grooten gasthuyse der stad van loven(e)/ voer wettich gebreck na den rechte der selv(er) stad/comen en(de) b tot allen den goeden beyde have en(de) erve/ onder den ande(re)n barthelmeeus vander bauwetten te/ wat plaetsen die gelegen sijn gescreve(n) es geweest/ den meye(r) van ov(er)ijssche oft sijnen stedehoude(r) hem de/ selve goede te leve(re)n en(de) peysselic te doen volghen/ en(de) oft de voirs(creven) berthelmeeus oft yemant and(er)s daer/ tegen yet seggen oft allege(re)n wilde dat hij des quame/ alh(ier) inde banc voer meye(r) en(de) scepen(en) int recht/ op heden te mistijde ald(aer) hij noch niema(n)t van sijnen
//
wegen comen en es den voirs(creven) geleydde compare(re)nde/ en(de) trecht voirt v(er)suekende Soe hebben de scepen(en)/ van loven(e) yerst aengehoirt tyboute steenweeghs/ bode der stad van loven(e) die cleerde van bij sijnen eede/ dat dexploit en(de) tdachbescheiden bijden voirs(creven) meye(r)/ geschiet wa(r)e t(er) manessen smeyers gewijst voer een/ vo(n)nisse datmen Soe v(er)re des voirs(creven) geleydde wed(er)p(ar)tije/ niet en quame ten opstane smeyers en(de) van hen scep(enen)/ datmen hem dan vande(n) voirs(creven) goeden houden sal in/ sijne(n) voirs(creven) beleyde tot sijnen wettigen gebreke(n) behoef/ soe v(er)re alst noch voer hen scepen(en) comen es eisd(em)