Alsoe als kathlijne loenijs docht(er) wile(n) jans voe(r) heur en(de)/ ind(en) name van lijsbetten heur(e)r sust(er) des(er) stad brieven on/ lancx heeft geimpetreert gescr(even) aend(en) meye(r) va(n) cumptich/ oft zijne(n) stadhoude(r) te kercke(m) dair mede de selve meye(r)/ versocht was af te doen doen(e) alsulke(n) ongebruyck als h(er)/ robbeert loenijs prieste(r) heur oem robbeert zijn sone/ en(de) heur wy(n)ne(n) hen pijnd(en) te doen(e) aen die goede(n) h(ier)nae/ volgen(de) Te weten aen sesse sacke(n) harts corens erflic/ pachts aen en(de) op zeke(r) goede(n) en(de) pande(n) jans kijnen/ te kercke(m) en(de) d(aer) omtrent gelege(n) It(em) aen drie sacke(n)/ en(de) drie en(de) een half halste(re)n coe(re)ns erfs pachts aen en(de)/ op zeke(r) goede en(de) pande willems s(er)anen te kerckem/ en dair omtre(n)t gelege(n) It(em) aen vijfthien halste(re)n corens/ erfs pachts op seke(r) goeden en(de) pande(n) jans kymps oic/ te kercke(m) en(de) dair omtre(n)t gelege(n) It(em) aen alle dlant/ dat geert de snijde(re) gehouden heeft in pechtingen tot/ kercke(m) en(de) dair omtre(n)t gelege(n) die den voirs(creven) wilen ja(n)ne/ heu(r)en vader met scepen(en) brieve(n) van loeven(e) vander daet/ maii xxxix anno lxi in deylinge(n) gevalle(n) zijn Ende/ in gevalle van oppisitie(n) hem dach besceyden te co(m)/ pa(rer)en inde banc voe(r) meye(r) en(de) scepen(en) van loeven(e) opden/ xi[en] dach van meerte lestleden die alsdoen bij p(ar)tien werde/ ghecontinueert Aldair der voirs(creven) katlijne(n) tot eene(n)/ seke(re)n dage van rechte dair nae volgen(de) bij crachte/ / van sek(ere)n inhibitien verworven aen m(ijn) hee(re) den officael/ van luydick te loeven(e) reside(re)nde bijden voirs(creven) robbeerte/ den sone verboden w(er)t op seke(r) penen en(de) tensue(re)n niet/ voirde(r) te p(ro)cede(re)n voe(r) de voirs(creven) meye(r) en(de) scepen(en) van lov(en)/ soe verre dat hem aenginge dede de voirs(creven) kathlijne/ segge(n) dat zij dien bevele g(er)ne woude optempe(re)n/ tot dat zij den voirs(creven) officiael van heu(r)en rechte soude/ hebbe(n) doen blijken beghe(re)nde des niet te min trecht/ en(de) tvonnisse vand(en) voirs(creven) goeden alsoe verre dat aenginge/ den voirs(creven) h(er) robbeerde en(de) niet voirde(r) hebbe(n) de h(ere)n/ scepen(en) van loeven(e) t(er) maniss(en) smeyers gewesen voe(r) een vo(n)/ nisse nae dien hen gebleken es en(de) dat de voirs(creven) ka(tlij)[ne]/ opde voirs(creven) goede niet voirde(r) en p(ro)cedeerde dan soe/ verre het aenginghe den voirs(creven) h(er) robbeerde zoe verre/ deselve h(er) robbeert niet en quame ten opstaen(en) smeyers/ en(de) van hen dat de voirs(creven) kathlijne ind(en) name soe zij/ ageert bliven sal inde voirs(creven) goeden alsoe verre alst aengaet/ tege(n) den selven h(er) robbeerde en(de) niet voirde(r) en(de)/ het noch voe(r) hen comen es cor(am) om(n)ibus dempt(o)/ roelants junii x[a]