SAL7770, Act: V°441.2-R°442.1 (812 of 887)
Search Act
previous | next
Act V°441.2-R°442.1  
Act

Transcription

2019-11-20 by Transkribus Software
Jan coman dieme(n) heet van pede van bruessele doet gebieden de/
goede en (de)erfpacht hier na bescreven Inden yersten een boend(er) lants/
gelege(n) inde p(ro)chie van sente quintijns le(n)neke te roest opt roestvelt/
tusschen dartgat en de goede jans wilen putters It(em) een stuck/
ond(er) eeusel en(de) elsbosch datmen heet viversembroeck gelege(n) ter/
plaetsen gehete(n) tsmezels bosch tussche(n) de goede jans vande(n) b(er)ghe/
en(de) de goede jans coelman It(em) een stuck ond(er) eeusel beemdt en(de) lant/
gehete(n) de roest gelege(n) inde prochie van sente mertens le(n)neke acht(er)/
de goede jans wilen ve(re)n machtelde(n) tusschen de goede jans py/
penpoy en(de) den beemdt peter goedens It(em) ii(½) dachmael eeusels/
gelege(n) ald(aer) tussche(n) de goede jans van cothem en de goede willems/
elshocht en(de) alre naest de(n) beemde jans pypenpoy It(em) een mud/
rogs bruesselsch(e) maten erfs pachts aen en(de) op de goede hier na/
bescreve(n) jan leys gelege(n) inde p(ro)chie van sente quintijns le(n)neke/
Te wete(n) op vijf dachmael lants gelege(n) op coudenbornvelt/
inden hornock ald(aer) bide wuwers gehete(n) zwertenbroeck neve(n)/
de goede jans tay van bruessele It(em) op een half boend(er) lants/
gelege(n) aldaer opt he(m)meke(n) neven de strate ald(aer) alre naest/
/ den goeden reyners wilen valx vercregen jegen henricke keghel/
en(de) joffrouwe m(ar)grieten sinen wive en(de) dair af de voirs(creven) jan coman/
goedinge ontfaen heeft voe(r) meye(r) ende scepen(en) van loeven van thomaes/
van heelbeke die na den rechte d(er) stat van loeven tot de(n) voirs(creven) goede(n)/
en(de) erfpacht comen en(de) geleydt was Te dien eynde (et)c(etera) hier af sijn/
de drie gebode gedaen Te wete(n) dyerste gebot d(aer) af des sondaeghs/
xii daghe in februario int jae(r) ons he(re)n m cccc en(de) xxix p(rese)ntibus/
will(el)mo lombart (et) henrico wante scabinis lovan(iensibus) Dander gebot/
d(aer) af des sondaeghs ov(er) xiiii nacht d(aer) naest volgende p(rese)ntibus/
jacobs ex lyemi(n)ghen et henrico wante scabinis lov(aniensibus) Tderde gebot/
d(aer) af des sondaeghs ov(er) xiiii nacht d(aer) nae sond(er) myddel volgende/
p(rese)ntibus egidio rike et will(el)mo lombart scabinis lovan(iensibus)
Contributorskristiaan magnus
Moderated bykristiaan magnus
Last update: 2018-06-13 by The Administrator