Nae dien dat de magen en(de) vrienden vand(en) wettige(n) kinde(re)n/ jans wilen goederthuys en(de) met hen twee [vacat]/ gebruede(re)n twee vanden selve(n) kinde(re)n den raide vand(er) stadt te/ kynnen hebben gegeve(n) hoe dat de voirs(creven) kinde(re)n die den meesten/ deel jonge weesen zijn bijder doot en(de) aflivich(eit) huers voirs(creven) vaders/ en(de) oic huer(er) moeder zijn bleven ombesorcht en(de) wae(re)n gescapen zij/ en(de) oic hue(r) goede met allen te quiste te gaen(e) op dat hen d(aer)op niet/ en wordde versien wairo(m)me zij baden dat hen e(n)nige va(n) hue(re)n/ vrienden om hen en(de) hue(r) goede te rege(re)n wordden als hue(r) mo(m)bo(r)en/ verleent en(de) geordineert En(de) den raid vand(er) stadt d(aer)op rijpelijc/ heeft geledt soe zij bijden selve(n) raide geordineert en(de) geco(m)mitteert/ voir der voirs(creven) weesen mo(m)boirs jacop eveloege hue(r) maech van
//
svaders zijden jan en(de) henr(ick) willems gebruede(re)n magen vand(er)/ moeder zijden om van nu voirtaen de voirs(creven) weesen en(de) hue(r)/ goede bij hen te wordde(n) geregeert verwaert en(de) besorcht/ ten meesten orboe(r) en(de) proffijte der selver wesen en(de) huer(er) goeden/ in (con)s(ili)[o] opidi sept(embris) xv