Allen den ghenen die dese l(ette)ren zullen zien oft horen lesen/ burg(er)meeste(re)n scepen(en) en(de) raide der stat van loven(e) saluyt/ en(de) alle vrientstap doen cont en(de) te weten dat henric vliege/ woenen(de) te grymberghen als man en(de) momboir jouffr(ouwe) marie/ vand(er) calste(re)n heeft der selver zijnd(er) werdynnen pete(re)n/ beyardt secretarijs der stat van loven(e) en(de) meester janne/ eggerix en(de) elken van hen besunder volcomen macht procurac(ie)/ en auctoriteit ghegeven om alle zijnde(re)n werdynnen saken en(de)/ questien die zij in aenleggher oft verweerd(er) stadt te doen heeft/ oft hebben sal mogen tegen wat p(er)sone dat dat zij te beleiden/ te wynnen en(de) te v(er)liesen alle der selver sijnder medegesel(linnen)/ hueren? chijsen renten en(de) sculden te manen teysschen optebore(n)/ en(de) tontfanghen d(aer) voir te panden te dagen rastemente(n) te doen/ legghen alle scepen(en) brieve te vo(n)nissen die ter execucien te/ doen stelle(n) En(de) al des vors(creven) is te vervolgen voir en(de) al te doene/ des hij selve soude mogen doen voir alle gerichten gheestelijc/ oft weerlic oft hij tegewordich en(de) voir oghen ware Den sculd(er)s/ te quiteren en(de) quitancie te gheven te replice(re)n te duplice(re)n/ also wale int principael als int accessore ghetuygen te leiden/ der wederp(ar)tien getuygen te sien zweren die te batteren en(de)/ wes deen begonnen sal hebben dat dat dand(er) sal mogen voleynd(en)/ Promitt(ens) rat(um) behoudelic dat de voirs(creven) peter en(de) meester/ jan gehouden zullen zijn der voirs(creven) jouffr(ouwe) marien van hue(re)n/ bewinde in desen goede wettighe rekeninghe (et)c(etera) reliqua hoeven/ burg(imagistro) hove tants julii iiii