It(em) vander questien die comen es voe(r) den raide vand(er)/ stadt tussche(n) jannese van denremonde die aldair/ ontbode(n) hadde jouffr(ouwe) kathlijne(n) van halleer bege(re)nde/ van heur te hebben(e) zeke(re) pande die hij seyde dat zij/ van hem hadde en(de) die hij op heur came(r) bracht/ hadde dair tege(n) de voirs(creven) kathlijne bekynnen(de) ennige/ pand(en) te hebben(e) hem toebehoiren(de) seyde dat zij/ dair op geleent hadde iiii(½) rijnsch g(ulden) en(de) dat hij/ heur die pande alsoe in handen gesedt hadde voe(r)/ de selve iiii(½) rijnsch g(ulden) en(de) p(re)senteerde dair om soe/ verre hij heur betalinge dade zijn pande te restitue(re)n/ welke leeni(n)ghe hij heur ontkinde mair sustineerde/ altijt dat hem de pande naictelijc toebehoirden/ zijn de voirs(creven) p(ar)tijen bijden selve(r) raide vander heur(er)/ voirs(creven) questien ger(e)mitteert en(de) versonde(n) inde banck/ voe(r) meye(r) en(de) scepen(en) van loeven(e) dair de voirs(creven) q(ue)stie/ behoirt rechts te plegen(e) tege(n) malcande(re)n in (con)silio/ opidi julii xix