It(em) geert de gruyte(re) arnt keynoege en(de) lodewijcke uute(r)/ lyemi(n)gen hebben gekint en(de) gelijdt vercocht te hebben(e)/ den voirs(creven) m(er)cken en(de) vrancke(n) van bo(m)male tschaerhout/ van eene(n) boenre bosch gelege(n) ind(en) baenhoevel opde ov(er)ste/ cruyst(ra)te tussche(n) de goede des groots gasthuys van loeven(e)/ en(de) de goede gorijs van dyeve(n) om dat af te houwen(e) en(de)/ te ruymen(e) soe dat behoirt om en(de) voe(r) veerthien r(ijnsch)/ g(ulden) te lx pl(a)c(ken) tstuc met condicie(n) en(de) voirweerde(n) wairt/ sake dat hen tvoirs(creven) boenre boschs bij yeman(de) and(er)s/ ontoge(n) oft ennich belet dair inne gedaen wordde en(de) sij/ uut ocsuyne van dien ennige(n) cost oft last hadde(n) dat/ hen dat de voirs(creven) geert en(de) arnt aut sculdich sulle(n) sijn/ op te richten(e) en(de) betalen(e) t(am)q(uam) ass(ecutu)[m] met voirwerde(n)/ oick oft namaels bevonde(n) wordde dat meer oft min/ dan een boenre wa(r)e dat dat meer de coop(er)s sculdich/ sulle(n) sijn op te richten(e) en(de) tmin salme(n) hen sculdich sijn/ te cortten(e) en(de) weder te kee(re)n Coram eisdem