Allen den ghenen (et)c(etera) doen cond en(de) te weten(e) dat/ opden dach van heden datum van desen voir ons/ comen is in p(ro)pe(re)n p(er)soen(e) onse ingeseten porte(r) en(de) geswore(n)/ wercman meester jan de mesmaker en(de) heeft ons gethoent/ een cyrograf oft endenter luyden(de) van woorde te woorde/ alsoe hier nae volgt Dese endenter was gemaict/ den laesten dach van jullii int jair m cccc lxxxiii tussche(n)/ willem brerelay jan nynge jan dura(n)? lenart bowes/ willem wyse jan hauwarde kerkemeesters van onser/ vrauwe(n) kerke binne(n) der stede van callez ende alle/ andere(n) toucomen(de) kerckmeesters vander voirs(creve)[ne(n)] kercke(n)/ vander eender partie(n) ende jan de mesmaker ende/ jan van euregam stein hawers van brusel in brab(ant)/ vander ander p(ar)tien te wete(n) dat de voirs(creve)[ne(n)] p(ar)tie(n)/ hebben coepme(n)scape ghemaeckt met malcande(re)n/ als hier nae bewis(en) Dat is dat jan en(de) jan stienhawers/ vors(creve)[ne(n)] ghelove(n) en(de) verbinden hem een vorden ande(re)n/ ende heur erfgenamen exceq(ue)tours ende allen heur/ gouden reure(n)de en(de) onruere(n)de by desen endenter/ dat jan en(de) jan vors(creve)[ne(n)] seullen maken enen ocsaelle/ van ghehauve(n) stienne boven viii vouten wijt zijnde/ met eene(n) preckstoul inwaert en(de) ghewelt ae(n) beide(n)/ siden staende op viii ofte cante x pelars va(n) blauve(n)/ stien die welke pelaers metten boughen sellen hoege/ zijn xv vouten over al en(de) den ocsal voirs(creven) seullen/ jan en(de) jan leveren binne(n) callez en(de) op setten in/ onser vrauwe(n) kercke op her selfs conste naer inhoude(n)/ dez patroens dy zij den kerckemeester geliverert/ hebben dye welcke patroen ghedeilt is tusschen den/ kercmeesters en(de) jan en(de) jan vors(creve)[ne(n)] En(de) noch so/ sullen de voirs(creve)[ne(n)] stienhauvers volvellen dye leeghe/ plecken an beiden seiden dez ocsails na bewijs dez/ patroens en(de) dez wercks met beelden dat es eene(n)/ belt van onsen hee(re) met den xii apoustelen in die/ vorside en(de) vort met andere(n) belden tout dat al
//
dye plecken volveult zijn Ende wy seullen voughen/ den ocsal acordere(n)de met den steigher binne(n) dyen/ choer staen(de) en(de) wy seullen dye deur hangen ende/ dye pelaren opstellen des seullen die kerckemeisters/ deuren en(de) pelaren deliverere(n) op haer selfs const/ en(de) nit[o]pde stenehauvers const ende dye pellare seulle(n)/ sin van mettael ofte alseulken stouf als die kerkemeisters/ ghelieve(n) sal En(de) vort so seullen die vors(creve)[ne(n)] stie(n)hauvers/ den vlour van den ocsael paveie(n) met witten ende blau/ paveystien gescakert En(de) voir soe seullen wij jan en(de)/ jan steinhauvers leveren dese gheca(n)ten pellare(n) naer/ inhauden dez pellar patroens vanden finsten en(de) hardsten/ blaieve(n) stien diemen vinden mach in brabant ofte in/ henegouve dat is stien van dellenbeke vanden dicken/ ofte vanden gronde van dellebeke en(de) dat ander deille/ vanden ocsal sal gemackt zijn vanden besten stien dyeme(n)/ vinden can als stien van scalsine ofte ave(n)nez als vorwarde/ vors(creve)[ne(n)] is Vort so sellen wy stenehauvers vors(creve)[ne(n)] allen/ dese punten voirs(creven) volbringen en(de) werkelike volmake(n)/ en(de) opstellen op ons selfs const inde spacie van iiii ja(r)en/ van sinte mechelsdach naistcomen(de) naer inhauden/ den datu(m) van desen endenter de welken ocsael ald[(us)]/ volmackt sinde wy wardens ende kerckemeesters/ vors(creve)[ne(n)] verbinden ons ende onse nacomelinge ende/ allen dy heel prochye van onser vrouwe(n) kercke/ voirs(creven) te betalen ofte te doen betalen de voirs(creve)[ne(n)]/ jan en(de) jan ofte enich van hen beiden ofte heun/ bewisers die su(m)me van ii[c] l(i)b(ra) vlaums gelt/ dye eirsten paiment te bamisse naestcomen(de) xxv/ l(i)b(ra) vlaums gelts ende int jair ons hee(re)n iiii[xx]/ en(de) iiii inde bamesse merct te betalen xxv l(i)b(ra) grot(en)/ vlaums gelts ende te bamisse marckt dair na/ a(nn)[o] d(omi)ni iiii[xx] end v l l(i)b(ra) vlaums gelts en(de) te bamisse/ marckt a(nn)[o] d(omi)ni iiii[xx] en(de) vi l l(i)b(ra) gro(ten) vlaums gelts/ ende die reste vander su(m)men voirs(creven) es l l(i)b(ra) vlaums/ te betalen als dat ocsael vors(creve)[ne(n)] al volmackt en(de)
//
op ghestelt sal sin Vort soe verbinden wij ons/ kerckemeesters en(de) wardens en(de) successeurs ons v(er)bonde(n)/ den voirs(creven) jan en(de) jan stien hauvers te deliverere(n)/ op onsen const en(de) last coelke sant briken loit/ yser en(de) werme(n) scape vanden yser en(de) dye stellinge/ te seulken dage als zij seullen rede zijn dat vors(creve)[ne(n)]/ wercke op te stellen ende te volmaken ende de/ vors(creve)[ne(n)] stouffe seullen die steinhawers doen arbeide(n)/ op heuren cost naer haren wille Ende desez vorw(er)de/ es ghemackt in tegewordigheheyt jan chaley wellem/ so(m)miyaz? thomas benet alleyn redman wille(m) boudma(n)/ jan egynton rychart menne en(de) jan dun en(de) meer/ anderen vander prochie vors(creve)[ne(n)] in kennesse d(er) waerhey/ Soe hebben wij kerckemeesters ons hantteken hier/ an ghestelt int jar en(de) dach vors(creve)[ne(n)] aldus onder/ gescr(even) wyllim(us) bryarley joh(a)n durhm(ar) leonerd bowes/ joh(a)n hdywdd(us) joh(a)n ihuge will(e)m wyse Welcke/ endenter oft cyrograf voir ons getoocht en(de) gelesen/ zijnde de voirs(creven) meester jan bij zijnder rechter/ wetentheyt onbedwongen en(de) onverleyt alsoe hij/ bekinde heeft getransporteert ende overgegeven/ onsen ingeseten porte(r) en(de) medegeselle in rade/(christ)iane de nausnijde(re) dat accepte(re)nde alsulcken/ vijftich l(i)b(ra) gr(oten) vleem(sch) als hem bij crachte en(de) uut/ saken vand(en) voirs(creven) endenter aen de kercmeesters/ en(de) goede luden vander prochien van ons(er) vrouwen/ kercke bynne(n) der stede van callez gevallen en(de)/ verschenen zijn inde bamisse marckt laetstleden/ Ende heeft voirt den voirs(creven) (christ)iane gegeven volcome(n)/ macht p(ro)curacie en(de) auctoriteyt om de voirs(creven) vijftich/ l(i)b(ra) gr(oten) vleem(sch) in zijne(n) name en(de) van zijnen wegen opte/ bue(re)n te innen en(de) te ontfangen den voirs(creven) kercmeesters/ ende goede luden vander prochien dair af te quiteren/ en(de) volcomen quitan(cie) te geven Ende alle tgene des
//
dien aencleeft te doen(e) en(de) te vorde(re)n dat de voirs(creven)/ meester jan mesmake(re) selve doen ende vorde(re)n soude/ moegen waert dat hij selve in p(er)soen(e) tegewoirdich/ ende voir oogen ware Promitt(ens) rat(um) in pleno/(con)s(ili)[o] p(rese)ntib(us) scab(inis) hoeven tybe oct(obris) xxv