Condt zij allen lieden dat henrick vanden/ scrieke sone wilen henricx en(de) katline van/ mechelen zijn huysvr(ouwe) woenen(de) te holsbeke in p(rese)ncia/ hebben genomen en(de) bekint genome(n) te hebben(e)/ van odilien van ermbeghem geheete(n) van rode de/ goede hier nae bescreve(n) te weten(e) yerst drie dach(mael)/ opt ermbeghe(m)velt gelegen tusschen der kinde(re)n van/ ghele ter ande(r) zijden It(em) een dach(mael) gelegen opt selve
//
velt tusschen de strate ald(air) in deen(e) en(de) de goede henr(icx)/ vanden scrieke voirs(creven) in dand(er) zijde It(em) een half dach(mael) op/ tselve velt gelegen tusschen de goede desselfs henricx/ ter eenre en(de) de goede peters van ghele t(er) ande(r) zijden/ It(em) ii(½) dach(mael) gelegen opt tselve velt tusschen de goede/ mathijs vanden berghe ter eenre en(de) jans van/ hoevelde ter ande(r) zijden It(em) een half dach(mael) gelegen/ ald(air) tusschen de goede des voirs(creven) mathijs ende jans/ van hoevelde It(em) een half boend(er) gelegen op taelputt(er)/ velt tusschen den voirs(creven) mathijs(e) en(de) henricke vand(en)/ scrieke It(em) xxv roeden lants gelegen opt roeken/ bijde goede pet(er)s van ghele comen(de) mette(n) eenen/ ynde aen de herstrate ald(air) It(em) drie dach(mael) lants gelege(n)/ opt schil tsichtvelt tusschen de goede jans van ermbege(m)/ en(de) hee(re)n jans de swertveghe(re) It(em) een block lants/ houden(de) een dach(mael) paulo gelegen aen de ermbeghe(m)strate/ in deen(e) en(de) jans de mu(n)te(re) in dande(re) It(em) de helicht/ van drie zeelen d(air) bij gelegen tusschen de voirs(creven) strate/ en(de) jans de mu(n)te(re) in dande(re) It(em) tderdel van eene(n) halve(n)/ boend(er) gelegen opde hasselt tussche(n) de goede peters/ van ghele ter eenre en(de) der wed(uw)[en] van mechelen/ ter ande(r) zijden It(em) een half boend(er) paulo gelegen opt/ bruggevelt tusschen de goede anth(onijs) sta(n)narts en(de) de/ goede sgoidsth(uys) van vileer It(em) (½) dach(mael) op de savel/ gelegen bijden voetgat ald(air) tusschen de goede [vacat]/[vacat]/ It(em) i(½) dach(mael) lants gelegen bove(n) dutsele tusschen de/ goede anth(onijs) sta(n)narts kinde(re) en(de) anth(onijs) van wynghe/ It(em) vijf vie(re)ndeel lants gelegen te binswijck/ tusschen janne roelof in deen(e) en(de) [vacat]/[vacat]/ It(em) drie vierdeel lants paulo gelegen bijd(en) voetpat/ d(air)men gaet te vrouwep(er)cke weert It(em) drie dach(mael)/ lants gelegen opden vorsten meesberch tusschen de/ goede mathijs vanden berghe en(de) der weduwe(n)/ van mechelen It(em) een half dach(mael) gelegen ald(air)/ tusschen de goede willems van huwaerden ter/ eenre en(de) jans de mu(n)te(re) ter ande(r) zijden It(em) de
//
tweedeele van eene(n) boend(er) beemps geheeten den/ arnsbeemt tusschen tshertogen beempt ter eenre/ en(de) henricx vanden scrieke It(em) een boend(er) beemps/ gelegen inden selve(n) beempt tusschen de goede/ des voirs(creven) henr(icx) ter eenre en(de) den berghe(n) beemt/ ter ande(re) It(em) i(½) dach(mael) beemps gelegen d(air) bij tusschen/ de goede mathijs crol en(de) der kinde(re)n van ghele/ It(em) vi dach(mael) beemps paulo geh(eeten) de leyminck tussche(n)/ de goede andries heyns en(de) de kerchofstrate It(em) een/ half boend(er) beemps geheete(n) tsichteeussel paulo/ tusschen de goede henricx van mechelen ende g(er)truyden/ laureys It(em) een boend(er) beemps geheeten tlijse(n)eeussel/ gelegen aen de sicht en(de) den goeden anth(onijs) van wynghe/ It(em) een boend(er) beemps bij een gelegen tusschen de/ goede m(ar)griete(n) switte(n) en(de) henr(icke) vand(en) scrieke/ It(em) een half boend(er) beemps gelegen tussche(n) de goede/ mathijs vanden berghe in allen zijden It(em) een half/ boend(er) en(de) een half dach(mael) beemps geheeten den/ lange(n)beempt tussche(n) de goede des voirs(creven) mathijs/ en(de) pet(er)s van ghele It(em) een half boend(er) beemps/ gelegen aen de ermbege(m)strate tusschen de goede/ m(ar)grieten zwitten en(de) de selve strate It(em) tderdel van/ eene(n) boend(er) beemps gelegen op hamele(n)broeck/ tusschen de goede henricx van roomen en(de) arnts/ van meerbeke ter ande(re) It(em) een dach(mael) beemps/ paulo gelegen te wijchmale tusschen de goede/ jans pynnock en(de) [vacat]/ It(em) i(½) dach(mael) beemps opt eenne(n)broeck tusschen/ de goede vrancx van ghele en(de) wout(er)s helstheviers/ It(em) vijf zillen beemps gelegen opde genenart?/ int holsbeker broeck tussche(n) de goede des voirs(creven)/ vrancx en(de) [vacat]/ It(em) een half boend(er) beemps gelegen opde wat(er)leye/ tusschen de selve wat(er)leye en(de) de goede jans van
//
hoevelde It(em) een dach(mael) beemps ald(air) bij gelegen/ tusschen den torpoel en(de) de goede henricx van/ maelcote Te houden te hebben en(de) te besitten/ de voirs(creven) lande van s(in)te m(er)tensmisse naistcomen(de)/ eene(n) t(er)mijn van vijf ja(r)en lang due(re)nde deen/ nae dand(er) sond(er) middel vervolgen(de) om ende/ voir sesthien mudden rogs en(de) xii mol(evaten) t(ar)wen/ elcx grains goets en(de) payabels cu(m) va(n)no d(er) maten/ van loven(e) alle ja(r)e s(in)[te] andriesmisse ap(oste)ls en(de)/ de voirs(creven) beemde oic eene(n) t(er)mijn als voi(r)e elcx/ jairs dae(re)nbynne(n) om en(de) voi(r)e achten(de)dertich rinschg(ulden)/ alle jai(r)e half ts(in)[te] m(er)tensmisse en(de) half inden/mey te betalen(e) en(de) o(n)begrepen viii dagen voir/ kersmisse en(de) half inden mey te betalen(e) ende te/ loven te leve(re)n quol(ibe)t ass(ecutu)[m] Met condicie(n) ende/ voirw(er)den dat de voirs(creven) wynne de voirs(creven) lande wel/ wynnen en(de) mesten sal gelijck reengenooten bove(n)/ en(de) beneden en(de) tzijne(n) afsceyden(e) laten een half/ boend(er) op daelputt(er)velt wel en(de) loflijck besaydt/ en(de) gemest laten met rogghe en(de) op d(e)rmbeghe(m)velt?/ een half boend(er) oic gemest en(de) besaydt op stoppelrogge/ It(em) noch ii half dach(mael) op dermbege(m)velt gemest en(de)/ geerrijt soe dat behoirt It(em) noch een dach(mael) optselve/ velt besaydt wel en(de) loflijck It(em) noch een bloexken/ ald(air) oic gemest en(de) besaydt met tarwen It(em) xxv/ roeden op troedeken en(de) i(½) dach(mael) te dutsele al besaydt/ It(em) opden meersberch een half boend(er) besaydt ende/ met drie mudden duyve(n) mest gemest It(em) sal/ de voirs(creven) wynne de grechten aen de voirs(creven) beemde/ staen(de) jarlijcx ruyme(n) en(de) vegen gelijc zijne(n) gebue(re)n/ tzijne(n) laste en(de) die laten alsoe hij die dair beva(n)t Item/ sal de voirs(creven) wynne moegen afhouwe(n) alle stru(n)chout/ en(de) elshout omgaens alo(m)me aen de voirs(creven) goede staen(de)/ d(air) af sal de voirs(creven) odilie de helicht hebben des sal zij/ huer maecgelt gelden d(air) af en(de) de wynne sal hue(r) helicht/ d(air) af sculdich sijn te love(n) te leve(re)n behalve(n) dat hij/ gheen alboome(n) noch kerssele(re)n en sal moegen sleene(n)/ afhouwe(n) oft tru(n)cken mair alle ande(r) hout sal hij
//
moegen sleene(n) en(de) truncken It(em) sal de voirs(creven) wynne/ aen de willigen soe vele moegen truncken alst/ behoeft om den vrede due(re)nde te vermaken(e) en(de) niet/ voirde(r) en(de) hij sal gheene(n) nyeuwe(n) s vrede moegen/ maken dan dair gewoenlijken zijn thuyne(n) te maken/ staen(e) Item sal de wynne moegen afhouwe(n) alle/ verdrooghde willige(n) behalve(n) dat hij voir elke/ v(er)drooghde sal moete(n) sette(n) twee leve(n)de poten die/ hij sculdich sal zijn wel en(de) loflijck te verdoirne(n) It(em)/ sal de voirs(creven) wynne bove(n) des voirs(creven) es jairlijcx moete(n)/ plante(n) xxv poten die hij insgelijcx sal sculdich sijn/ te verdoirne(n) It(em) sullen de voirs(creven) wynne en(de) odilie/ alle dooft opde voirs(creven) goede wassen(de) jairlijcx half en(de)/ half hebben des selen zij dooft te geliken coste ter/ eerden leve(re)n en(de) de voirs(creven) wyn sal huer helicht te love(n)/ moeten leve(re)n It(em) sal de voirs(creven) wynne alle de weghe/ moeten houden tzijne(n) laste des sal hij moegen dhout/ d(air)toe opde voirs(creven) goede afhouwen It(em) sal de wynne/ jairlijcx moeten corweyden zijnd(er) meest(er)ssen eene(n)/ dach met zijne(n) wagen(en) en(de) peerden om hue(re)n wijn/ opden calenberch thuys te bringen It(em) sal de voirs(creven)/ wynne jairlijcx moeten leve(re)n der voirs(creven) zijnder/ meest(er)ssen xii l(i)b(ra) bote(re)n en(de) xii keese drie steene/ vlas een halst(er) gruend(er) erten en(de) een hondert eye(re)n/ de vijftich te paessche(n) en(de) de vijftich ter kermissen/ van loven(e) sond(er) afslach It(em) sal de wynne jairlijcx/ moete(n) leve(re)n vijftich busselen walms It(em) sal de/ wynne oft zijn diene(r) den cost moete(n) hebben als/ zij huer gelt coren oft anders thuys bringen It(em) es/ voirw(er)de dat de wynne due(re)nde zijne(n) t(er)mijn/ niet en sal moegen houwe(n) e(n)nich hout te weten(e)/ op troedeken op de drie dach(mael) op dermbege(m)velt/ noch op een half dach(mael) op tselve velt op tsichtvelt/ oic van drie dach(mael) op delsenboschelken int/ mu(n)teeussel gelegen en(de) d(air) voi(r)e sal de wyn hebben/ tzijnen afsceyden van zijnd(er) meest(er)ssen eene croone/ Item es noch voirw(er)de soe wa(n)neer e(n)nich hout gereet
//
wa(r)e en(de) dat de meest(er)sse thuys wilde hebben ende/ den wech quaet wa(r)e om vue(re)n soe sal de wynne/ dat hout moete(n) doen miten en(de) vue(re)n te loven/ soe wa(n)neer den wech gebetert sal zin Ende/ alle dese voirw(er)den (et)c(etera) cora(m) boxho(r)en hoeve(n)/ septe(m)br(is) xxv Sen(tentiatum) p(er) odilia(m) cor(am) buetsele vynck/ ja(nua)[rii] xi a(nn)[o] xc