Van alsulken questien en(de) gescillen als e(n)nichssins/ uuytstaen moegen tusschen jouffr(ouwen) katline(n) van/ meenssele beghine ter eenre en(de) jouffr(ouwen) magdalene(n)/ van meenssele huer(er) sust(er) ter ande(r) zijden hebben/ hen de voirs(creven) gesuste(re)n verbonden in segge(re)n ende/ mynlike yffene(re)n Te weten(e) de voirs(creven) jouffr(ouwe) katline/ in pete(re)n vand(er) hoeve(n) en(de) gielijse le(m)mens geheete(n)/ in ingelant en(de) de voirs(creven) jouffr(ouwe) magdaleene in/ joese absoloens en(de) goessen tybe in sulker vuegen/ dat elc van hen zijn gebreck dat hij totte(n) ande(re)n/ heeft in handen vanden segge(re)n ov(er)gheve(n) sal bynne(n)/ viii dagen naistcomen(de) d(air)op elc van hen op des and(er)s/ gescriften sal moegen antw(er)den bynne(n) acht dagen d(air)nae/ En(de) sullen de voirs(creven) segghers dae(re)ntynden d(air)op sond(er)/ meer gesc(ri)ften hue(r) eendrachtige uuytsprake doen/ bynne(n) viii dagen d(air)nae op dat zijs eens conne(n)/ gewordden en(de) oft zij des niet eens en conne(n) gewordden/ dat zij dat sullen bringe(n) bijd(er) stadt om d(air)af te/ hebben(e) eene uuytsprake van rechte P(ro)mitten(tes) ratu(m)/ Cor(am) h boxho(r)en hoeve(n) tybe scabinis octobr(is) xx