Item jan yden in p(rese)ncia heeft genome(n) en(de) bekint/ genome(n) te hebben(e) tegen daneele boxho(r)n den/ ouden omtri(n)t xix dach(mael) lants alsoe die gelegen/ zijn opde groeve ende omtri(n)t der banc in drie/ stucken en(de) in drie aerden d(air) af deen houden(de) es/ vi dach(mael) gelegen op tvelt geheete(n) vogelsanck/ tusschen de goede pet(er)s de vuecht roelof van berthem/ jans amelrijcx en(de) den wijngaert geheete(n) vogelsanck/tusschen de goede petersf de voecht roelof van berthe(m)/ dand(er) stuck houden(de) vii dach(mael) gelegen aen den banck/ muer tusschen tgoidshuys vand(er) banck ter eenre/ de goede desselfs goidshuys ter ande(re) den wech
//
d(air)men te voete ter banc weert gaet ter derd(er) ende/ beneden aen de goede roelofs van berthem ende/ tderde houden(de) vi dach(mael) gelegen aen de hev(er)lestrate/ tusschen de goede raes vand(er) lynden op deen zijde/ roelofs van berthem op dande(re) raes vand(er) lynden/ opde derde en(de) tgoidshuys vand(er) banc op de vierde zijde/ Te houden te hebben en(de) te wynne(n) van half m(er)te/ naistcomen(de) eene(n) t(er)mijn van ix ja(r)en elcx jairs/ d(air)enbynne(n) om en(de) voi(r)e thien mudden rogs goet/ en(de) payabel met wa(n)ne en(de) vede(re)n wel bereydt/ der maten van loven(e) jairlijcx s(in)[te] andriesmisse/ ap(oste)ls te betalen(e) en(de) te love(n) ten huyse des voirs(creven)/ daneels te leve(re)n quol(ibe)t ass(ecutu)[m] It(em) sal de voirs(creven) wynne/ de voirs(creven) landen wynne(n) werve(n) en(de) mesten wel/ en(de) loflijc gelijc reengenoote(n) bove(n) en(de) beneden/ en(de) die tzijne(n) afsceyden besaydt laten gelijc dat hij dat/ alsnu bevi(n)den sal te weten(e) de vii dach(mael) wel en(de)/ loflijc besaydt met wynt(er)coren en(de) de stortte eens/ o(m)me gedaen en(de) de brake geheel It(em) es voirw(er)de/ dat de voirs(creven) wynne tzijne(n) coste houden sal alle/ de weghe jairlijcx omtri(n)t de voirs(creven) goede staen(de)/ alsoe dat d(air)af gheen scade en come It(em) sal hij/ jairlijcx daneele doen eene corweye met zijne(n)/ wagen(en) en(de) p(er)den It(em) en sal de voirs(creven) wynne gheen/ vanden voirs(creven) landen ten drie lesten ja(r)en moege(n)/ hoirvruchten Ende alle dese voirw(er)den cor(am) hoeven tybe/ septe(m)br(is) xxvi