It(em) jasp(er) van quaethem heeft geloeft op zijn lijf en(de) op/ zijn en(de) op zoenbreke(r) te zijne dat hij ne(m)mermeer om/ gheend(er) hande saken oft stucken wille die geschiet moege(n)/ zijn tegen hem ter eenre en(de) symoen(e) bruekelma(n)s ter/ ande(r) zijden den selve(n) symoen(e) hatye noch vyantscap/ doen noch dragen en sal noch hem mesdoen oft/ messeggen in woirden oft in werken bij hem selve(n)/ noch yeman(de) anders noch hem dagen noch moyen/ buyten oft te campe eysschen in e(n)nig(er) manie(re)n En(de)/ heeft bekint soe v(er)re hij hier tegen dade dat hij/ soude sijn peysbreker en(de) zoenbreker en(de) dat hij/ d(air)aen soude hebben verbuert zijn lijf en(de) zijn goet/ cor(am) hove burg(imagistr)[o] boxho(r)en tybe scabinis septe(m)br(is) xxiii