Alsoe als ten vervolge van jouffr(ouwe) machtelt vanden couwe(n)/ berghe beghijne als geleydt nae des(er) stad recht voir/ haer wettich gebreck uuyt crachte van scepen(en) brieve(n) van/ loven(e) tot alle den goeden beyde have en(de) erve s(er)vaes/ scrijde(re) diericx wilen scrijde(re) zijns vad(er)s en(de) s(er)vaes wilen/ willems soe wair die gelegen zijn Gescreve(n) es geweest/ met brieve(n) van des(er) stadt aen den meye(r) van herssele oft/ zijne(n) stadhoude(r) alle de selve te leve(re)n en(de) te doen volgen/ der voirs(creven) geleydd(en) En(de) oft de voirs(creven) s(er)vaes scrijde(re) zijne(n) wynne(n)/ de weduwe des voirs(creven) dyericx wilen scryde(re) hue(r) kinde(re)n de/ weduwe s(er)vaes wilen willems en(de) hue(r) kinde(re)n tegen/ de voirs(creven) leveringe(n) en(de) dachbesceydinge yet hadden willen/ allege(re)n dat zij des come(n) wa(r)en tot eene(n) seke(re)n dage/ van rechte op heden dyenen(de) inde banck voir meye(r) en(de)/ scepen(en) van loven(e) ald(air) de voirs(creven) p(er)sone(n) noch nyema(n)t/ van hue(re)n wegen geco(m)pareert en sijn der voirs(creven) geleydd(en)/ altijt co(m)pare(re)nde en(de) trecht voirt utspreken(de) Soe hebben de/ scepen(en) van loven(e) yerst aengehoirt pete(re)n comelinck bode/ van des(er) stad die cleerde bij zijne(n) eede den offic(ie)r van/ herssele de leveri(n)ge en(de) dach besceydinge nae inhoudt/ den voirs(creven) scriven(e) gedaen te hebben(e) gewesen t(er) manissen/ smeyers voir een vo(n)nisse datme(n) der voirs(creven) geleydden/ houden soude in huer(er) leveri(n)gen vand(en) voirs(creven) goeden/ also v(er)re alst noch voir hen scepen(en) comen es eisd(em)