Alsoe als ten vervolge willems van lele als/ p(ro)cur(eur) roelofs van berthem geleydt zijnde/ uuyt crachte van scep(enen) brieve(n) van loven(e) nae/ des(er) stad recht voir zijn wettich gebreck tot/ alle den goeden beide have en(de) erve henricx
//
lesens soe wair die gelegen zijn Ghescreve(n) es/ geweest met brieve(n) van des(er) stadt aen den meye(re)/ van hev(er)le oft zijne(n) stadhoude(re) te berthem alle/ de selve goede te leve(re)n en(de) peyslijck te doen volge(n)/ en(de) den selve(n) henricke oft hij tegen de voirs(creven)/ leveri(n)ge yet hadde willen allege(re)n dach van/ rechte op heden dyenen(de) inde banc voir meye(re)/ en(de) scepen(en) van loven(e) alhier te co(m)pare(re)n doen/ besceyden ald(aer) de voirs(creven) henrick noch niema(n)t/ van zijne(n) wegen en es geco(m)pareert den voirs(creven)/ geleydden altijt co(m)pare(re)nde en(de) trecht voirt versueken(de)/ Soe hebben de scepen(en) van loven(e) yerst aengehoirt/ woute(re)n boenrode die cleerde bij zijne(n) eede dat/ de meye(r) van berthe(m) de leveri(n)ge nae inhoud(en)/ der voirs(creven) brieve(n) gedaen hadde en(de) p(ar)tien dach/ besceiden ter manissen smeyers gewesen voir/ een vo(n)nisse datmen den voirs(creven) geleidden vande(n)/ voirs(creven) goeden houden soude inde macht van zijne(n)/ scepen(en) brieve(n) beleide tot zijne(n) wettige(n) gebreke/ behoef soe v(er)re het noch voir hen scepen(en) come(n)/ es Cor(am) o(mn)ib[(us)] dempt(is) abs(oloens) thenis octobr(is) v