Om te comen(e) tott(er) zoene(n) vande(n) dootslage die/ thielman freysen sone wilen thielma(n)s gedaen/ heeft inden p(er)soen henricx wilen de coni(n)ck zijn/ de voirs(creven) thielman en(de) gordt de coni(n)ck voirs(creven)/ met weten(e) wille conse(n)te en(de) overstaen(e) der/ voirs(creven) zijnd(er) vriende(n) en(de) magen overcome(n) der/ pointe(n) ende condicie(n) hier nae bescreve(n) Te
//
weten(e) dat de voirs(creven) thielman geve(n) sal bynne(n) acht dagen/ naistcomen(de) vie(r) rinschguld(en) te lx pl(a)c(ken) tstuc voir den/ cyrurgijn en(de) kerken recht vand(en) afluvige(n) It(em) sal de/ voirs(creven) thielman doen eene voyagie voir de salich(eit) vand(er)/ zielen te roome(n) bynne(n) xl dagen naistcomen(de) en(de) de/ trappe(n) s(in)[t] jans te latrane(n) ald(aer) opcruypen op eene(n) sat(er)dach/ en(de) ald(aer) hoi(r)en dertich messen t(er) salich(eit) vand(er) sielen en(de)/ noch ter maniss(en) jans yden en(de) jacops van maerbeke/ gielijs le(m)me(n)s des ouden en(de) willems p(ate)r tsame(n) ts(in)[t]/ jacops in galissien bynne(n) xl dagen nae der maniss(en)/ en(de) noch t(er) selver maniss(en) bynne(n) xl dage(n) d(aer)nae/ eene(n) wech te meylane(n) en(de) goede waerheyt van al/ te bringen nae des(er) stadt recht Eisd(em)