SAL7775, Act: V°162.2 (249 of 763)
Search Act
previous | next
Act V°162.2  
Act
Date: 1489-11-25

Transcription

2020-12-21 by Karel Embrechts
Item jan pet(er)s briede(r) en(de) pet(er) van bokele potmake(r)/
in p(rese)ncia hebben gekint en(de) geleden gehaven/
en(de) o(n)tfangen te hebben(e) van wegen machiels/
stouten van katlinen vand(er) porten wed(uw)[e] jans/
wilen domphoets de so(m)me van x rinschguld(en)/
te lx pl(a)c(ken) tstuc alse voir tp(ar)t vand(er) zoene(n)/
die hue(r) sone soude hebben te doen(e) en(de) te/
gelden(e) aen de vriende ingels wilen vanden/
steene bijden voirs(creven) machiele en(de) janne wilen/
domphoet sone der voirs(creven) katline(n) van live/
ter doot bracht Mits welken so(m)men de voirs(creven)/
p(er)sonen hebben der selver katline(n) inden name/
en(de) van wegen desselfs machiels volcomelijc quijt/
gescouwen en(de) d(aer)voi(r)e geloeft inne te staen(e) dat/
der selver katline(n) van desselfs machiels noch/
oic vanden vrienden wegen des voirs(creven) wilen/
ingels ne(m)mermeer stoot hynd(er) letsel oft/
ae(n)sprake gedaen en sal wordden in enig(er) manie(re)n/
en(de) d(aer)af tegen eenen yegelijken wara(n)t te zijne/
cor(am) berghe hermeys nove(m)br(is) xxv
Contributorskristiaan magnus
Moderated bykristiaan magnus
Last update: 2018-07-16 by The Administrator