Item joes de smet sone wilen henricx woenen(de)/ te love(n)joel in p(rese)ncia heeft genome(n) ende/ bekint genome(n) te hebben(e) tegen gorde vand(en)/ berghe voir hem en(de) zijn bruede(re)n ende sust(er)/ wettige kinde(re)n pet(er)s wilen vand(en) berghe/ met consente lodewijcx van schore zijns/ neven thoff der selver kinde(re)n geheeten/ thoff te poele gelegen te love(n)joel mette(n)/ landen beemde(n) ende eeussele(n) d(aer)toe behoiren(de)/ soe verre wout(er) wilen nijs die gehouden/ heeft mette(n) landen dwelc henrick wile(n)/ de smet zijn vad(er) voe(r) buyten den hove te/ pachte gehouden heeft Te houden te hebbe(n)/ ende te wynnen van half m(er)te naistcomen(de)/ / eenen termijn van xii jai(r)en lang due(re)nde deen/ nae dand(er) sond(er) middel vervolgen(de) elcx jaers/ dae(re)nbynne(n) de voirs(creven) wynnen(de) lande om en(de)/ voir xxv mudden en(de) vi halste(re)n rogs ende/ twee mudde t(ar)wen cu(m) va(nn)[o] me(n)su(r)e lovan(iensis)/ ende de voirs(creven) beemde om en(de) voir xxvii hollan(sche)/ guld(en) te xvi st(uvers) tstuc en(de) drie pl(a)c(ken) den st(uver) alle/ jai(r)e te weten(e) tvoirs(creven) greyn s(in)[t] andriesmisse/ ende de beemdhue(r) ts(in)[te] m(er)tensmisse ende/ ombegrepe(n) te half meye volbetailt te zijne/ quol(ibe)t ass(ecutu)[m] Des sal de voirs(creven) wynne dyerste/ twee jair gestaen met halve(n) pachte te betalen(e)/ aengaen(de) den greyne en(de) van dan vortaen(e)/ geheelen pacht It(em) es voirw(er)de dat de voirs(creven)/ wynne de voirs(creven) lande wynnen werven/ ende mesten sal wel en(de) loflijck gelijck/ reengenoote(n) bove(n) ende beneden soe wel/ de verste als de naiste It(em) wa(n)t de voirs(creven) wy(n)ne/ tzijnen voirlieve alsnu trecken sal de helicht/ van allen den core(n)vruchte(n) nu ind(er) schue(re)n/ wesen(de) en(de) oyc tselve hoy dat nu bynnen/ shoofs es soe sal de voirs(creven) wynne tzijnen af/ sceyden de voirs(creven) lande laten te weten(e) den wynt(er)/ aert geheeten tkerchof velt en(de) dwijng(ar)t velt/ metten ghene(n) dat totten selven aerde toebehoirt/ wel en(de) loflijc gemest en(de) besaeydt met wynt(er)coren(en)/ op vie(r) getidige voe(re)n gelijc zijnen regenoote(n)/ ende de brake ende stortte eens o(m)gedaen/ des hebben hem de voirs(creven) kinde(re) nu voir zijne(n)/ arbeyt vand(er) braken en(de) stortten om te doen(e) geg(even)/ thien r(insch)guld(en) eens die hij bekinde o(n)tfange(n)/ te hebben(e) It(em) sal de wynne oic ten lesten/ jai(r)e van zijnen t(er)mijne alle dmest uut(er)/ messien vue(re)n tot lichtmesse toe op alle de/ / voirs(creven) lande soe wel opde verste als opde naiste/ It(em) sal de voirs(creven) wynne alle jai(r)e moeten vue(re)n/ opde voirs(creven) lande twee cuyten m(er)gels en(de) die/ halen op de cuyte dair hem dat vand(er) kinde(re)n/ wegen dae sal . bewesen wordden ende oft/ de wynne meer lande soude willen m(er)gele(n)/ dat hij dat sal moege(n) doen tzijne(n) coste behalve(n)/ dat hij den mergel sal moege(n) steken opde selve/ lande It(em) sal de voirs(creven) wynne alle jai(r)e be/ halve(n) de twee yerste jair sculdich zijn te leve(re)n/ int voirs(creven) hoff drie hond(er)t walms om de huysinge/ ald(aer) mede te v(er)decken(e) ende hij en sal gheene(n)/ walm moegen maken om te v(er)coope(n) ende soe/ wa(n)neer men int selve hof decken plecken/ oft yet r(e)pare(re)n sal van ouden wercke sal de/ voirs(creven) wynne den werclieden den mo(n)tcost/ gheven ende de kinde(re) de dachue(re)n betalen/ ende alle tgereetscap d(aer)toe behoeven(de) moete(n)/ aenhalen soe verre het gheen nyeuwe werck/ en es strecken(de) over eene halve roye It(em) en/ sal de voirs(creven) wynne aen de grave(n) noch/ cleyne(n) bog(ar)t gheene(n) sacht noch houwen noch/ tru(n)cken hebben It(em) sal de voirs(creven) wynne de/ huysinge sculdich zijn te houden(e) vand(er) ond(er)st(er)/ rijkelen nederweert tzijnen coste Item sullen/ de voirs(creven) wynne ende kinde(re) alle dooft jairlijcx/ opde voirs(creven) goede wassen(de) half en(de) half hebben en(de)/ te geliken coste ter eerden leve(re)n ende des voirs(creven)/ kinde(re)n helicht sal de wyn te loven leve(re)n It(em) sal/ de wynne den selven kinde(re)n alle jai(r)e houden een/ vercken van vastelavo(n)t tot ald(er)heyge(n)messe toe oft/ d(aer)omtri(n)t It(em) sal de voirs(creven) wynne jairlijcx den/ voirs(creven) kinde(re)n doen met zijnen wagen(en) en(de) p(er)den/ vie(r) corweyen elke van eene(n) dage It(em) selen/ de voirs(creven) kinde(re) en(de) wynne op dyerste jair den/ / maeybeempt te geliken coste moete(n) half en(de) half/ doen ryolen ende van dan vortaen(e) sal de wynne/ dien alleene op zijnen cost ryolen It(em) sullen de voirs(creven)/ kinde(re) ende wynne alle jai(r)e half en(de) half doen/ vegen alle de beken aen de voirs(creven) goede staen(de) It(em)/ sal de voirs(creven) wyn dwat(er) geheeten de voert moete(n)/ houden tzijnen coste It(em) sal de voirs(creven) wynne moege(n)/ tru(n)cken ten behoirlijke tijde alle tru(n)chout staen(de)/ inden droege(n)beempt aen dla(n)t en(de) maeybeemde(n)/ en(de) alle v(er)droochde willige(n) moegen afhouwe(n) behalve(n)/ dat hij voir elke v(er)droochde willige sculdich sal/ zijn te setten twee leven(de) poten ende dae(re)nbove(n)/ sal de wynne noch jairlijcx op de voirs(creven) goede moete(n)/ setten acht willige poten en(de) dit al wel ende/ loflijc verdorne(n) soe dat gheene schade d(aer)af en/ come It(em) sal de voirs(creven) wynne hebben tscaerhout/ inden drooge(n)beempt opde slincke zijde gaen(de) ten/ poelsbossche weert tot aen den wech om d(aer)mede/ te vermaken(e) behalve(n) dat hij op dande(r) zijde/ gheenen sacht hebben en sal It(em) sullen de voirs(creven)/ kinde(re) van malcande(re)n moege(n) scheyden ten yersten/ sesse jai(r)en behalve(n) dat de ghene die sal wille(n)/ scheiden dat den ande(re)n een half jair te voi(r)en sal/ moeten cundigen Item en sal de voirs(creven) wynne/ de voirs(creven) lande ten drie leste jai(r)en niet moegen/ hoervruchten Item sal de voirs(creven) wynne hebben/ alle tduyve(n)mest vand(en) duyfhuyse comen(de) en(de) dat/ int hof en(de) op de voirs(creven) lande bekee(re)n des sal/ hij d(aer) voi(r)e jairlijcx gheve(n) een halst(er) ghersten ende/ een halst(er) crinsen It(em) sal de voirs(creven) wynne sculdich/ zijn de helicht vand(en) coren(en) den voirs(creven) kinde(re)n/ toebehoiren(de) nu ind(er) schue(re)n wesen(de) te loven te/ leve(re)n alst gedorsschen sal zijn It(em) en sal de voirs(creven)/ wynne gheene ande(r) lande moegen houwen oft/ nemen sond(er) consente der voirs(creven) kinde(re)n ende/ alle dese voirw(er)den (et)c(etera) cora(m) hermeys naus(nydere) dece(m)br(is) xxi