Item de voirs(creven) aelbrecht in p(rese)ncia heeft genome(n)/ ende bekint genomen te hebben(e) tegen den/ voirs(creven) willem(me) alle alsulken lande en(de) beemde/ als de selve wille(m) bynne(n) der p(ro)chien van rotselair/ en(de) d(aer)omtri(n)t buyte(n) rotselair liggen(de) heeft/ Te houden te hebben en(de) te wynne(n) van/ half m(er)te naistcomen(de) des voirs(creven) willems/ leefdage lang due(re)nde elcx jairs dae(re)nbynne(n)/ elc dach(mael) lants om en(de) voir vi halst(er) rogs en(de)/ elc dach(mael) beemps en(de) eeussele(n) om en(de) voir/ xl stuv(er)s drie pl(a)c(ken) den stuv(er) alle jai(r)e soe wel/ tgreyn als de beempthue(r) half ts(in)t jans(mis)s[e] en(de)/ half te kersmisse te betalen(e) Behalve(n) dat/ wille(m) tarwe hebben sal nae gelande vand(en) gelde/ dat met t(ar)wen besaeydt sal wordde(n) uutge/ nomen in des(en) drie stucken beemps te weten(e)/ den beempt tegen goirde acht(er)noene v(er)crege(n)/ deeussel inde haghe houden(de) drie dach(mael) en(de) noch/ i(½) dach(mael) dat hulselairs was die de selve/ wille(m) voir zijn selve(n) behouden sal moege(n)/ It(em) sal de voirs(creven) aelbrecht de voirs(creven) lande doen/ wynne(n) werve(n) en(de) mesten gelijc regenoote(n)/ bove(n) en(de) beneden It(em) sal de voirs(creven) aelbrecht/ jairlijcx doen beschey[say]den een halst(er) lijsaets voir/ / willem(me) des moet wille(m) den saet gheve(n) It(em)/ alsmen rapen saeyt sal wille(m) van aelbrechte/ soe vele rapen hebben ter redeliker wijs/ als hij behoeve(n) sal It(em) sal de voirs(creven) aelbrecht/ den voirs(creven) willem(me) doen doen alle jai(r)e drie/ corweyden Ende alle dese voirw(er)den (et)c(etera) Hier/ voi(r)e zijn n borghen des voirs(creven) aelbrechts jan/ en(de) vranck van ghele gebruede(re)n woenen(de) te/ holsbeke et pr(i)m(us) coram eisd(em)