It(em) de voirs(creven) brued(er) thielman renu(n)c(ians) heeft bekint/ vand(en) voirs(creven) henr(icke) gehave(n) en(de) ontfange(n) te hebben(e)/ de oude brieve vand(en) voirs(creven) goeden hier nae/ v(er)claert En(de) yerst eene(n) scepen(en) brief van loven(e)/ me(n)cie maken(de) hoe dat reyne(r) van holsbeke stelde/ wilhe(l)m(me) van holsbeke vand(en) yerste(n) bedde en(de) he(n)ricke/ van holsbeke vand(en) ii[en] bedde zijn sone(n) hue(r) deylinge(n)/ vand(en) voirs(creven) goeden met co(n)sente der selv(er) zijnd(er)/ kinde(re)n alsoe dat de voirs(creven) henrick de goede hebben/ soude opden voirco(m)mer en(de) vort op vijf mudde/ corens den voirs(creven) willem(me) te betalen(e) d(aer)af den brief/ beghinct notu(m) sit univ(er)s(is) q(uod) renerus de holsbeke (et)c(etera)/ vand(er) daet xiiii[c] lxxxvii xvi dage in m(er)te en(de) es/ geteekent a It(em) ii scepen(en) brieve(n) van loven(e)/ aen een gea(n)nexeert d(aer)mede reyne(r) en(de) willem/ / bekinden he(n)ricke van holsbeke hue(re)n oom de voirs(creven)/ goede in deylingen gevallen te zijne (et)c(etera) den joncsten/ vand(er) daet xiiii[c] viii vii dage in m(er)te It(em) heeft/ noch bekint ontfangen te hebben(e) x scepen(en) brieve(n)/ van loven(e) en(de) vi ande(r) brieve(n) vand(en) godsh(uyse) van/ gruene(n)dale en(de) van opvelpe alle me(n)cie maken(de)/ vanden voirs(creven) goeden En(de) heeft d(aer)om geloeft renu(n)c(ians)/ dat hij den voirs(creven) he(n)ricke zijn erven en(de) naecomelinge(n)/ metten geloften van genoechdoen(e) en(de) waerscape/ niet pramen en sal hij en sal tyerst en(de) voir al/ den voirs(creven) he(n)ricke oft zijne(n) naecomelinge(n) de selve/ brieve te baten bringen o(n)gecancelleert om hem/ d(aer)mede vorts te behulpen mette(n) geloften van/ genoechdoen(e) en(de) waerscape zijne(n) ouders ende/ voirsaten gedaen eisd(em)