Alsoe als ten vervolge willems van lele als/ p(ro)cur(ator) vrancx loenkens g die met scepen(en)/ brieve(n) heeft en(de) houden(de) es aen en(de) op een/ huys ende hoff met hue(re)n toebehoirte(n) willems/ deille gelegen te bossuyt tusschen de goede/ jans frix en(de) de strate ald(aer) xxiiii st(uvers) lijftochte(n) tsjaers gescreve(n) es geweest met brieve(n) van/ des(er) stadt aen den meye(r) van grave oft zijne(n)/ stadhoude(re) te bossuyt hem alle de selve goede/ te leve(re)n en(de) te doen volgen oft den bring(er)
//
de voirs(creven) brieve(n) in zijne(n) name Ende dat in ge/ valle van opposicien de voirs(creven) willem alh(ier) come(n)/ wae(re) inde banck voir meye(r) en(de) scepen(en) van loven(en)/ op heden te mistijde ald(aer) hij noch nyema(n)t van/ zijne(n) wegen en es geco(m)pareert den voirs(creven)/ willem(me) co(m)pare(re)nde en(de) trecht vort v(er)sueken(de) Soe/ hebben de scepen(en) van loven(en) yerst ae(n)gehoirt/ bouwen(e) bellens bode te voete van des(er) stadt/ die cleerde bij zijne(n) eede de leveri(n)ge en(de) dach/ bescheidinge voirs(creven) bijd(en) diene(re) smeyers van grave(n)/ tot bossuyt gedaen te zijne ter maniss(en) smeyers/ gewesen met vo(n)nisse datmen den voirs(creven) vrancke(n)/ vand(en) voirs(creven) goeden houden soude inde macht van/ zijne(n) scepen(en) brieve(n) beleide soe v(er)re het noch voir/ hen scepen(en) comen es Eisd(em)