It(em) jan de wairsege(re) sone wilen arnts woenen(de)/ te loven(en) in p(rese)ncia heeft genome(n) en(de) bekint/ genome(n) te hebben(e) tegen he(n)ricke smeyers/ geheeten mahaus wynne en(de) pechtene(re) der/ hee(re)n van s(in)[t] jans ewa(n)gelisten te luydick/ de thiende der selv(er) cap(it)len van alle den goede(n)/ desselfs jans alsoe wel van beeste(n) als/ ande(re) die hij heeft hem nu t(er)tijt toebehoiren(de)/ gelegen te nethen(en) van s(in)[t] jansmisse a(nn)[o]
//
lxxxviii eenen t(er)mijn van xii jai(r)en lang dee due(re)nde/ deen nae dand(er) sond(er) middel v(er)volgen(de) Elcx/ jairs dae(re)bynne(n) om en(de) voir drie mudde(n)/ corens pag(abilis) cu(m) va(nn)[o] me(n)su(r)e lovan(iensis) alle/ jai(r)e s(in)[t] andriesmisse ap(oste)ls te betalen(e) ende/ te loven te leve(re)n quol(ibe)t ass(ecutu)[m] It(em) de voirs(creven)/ he(n)rick die den voirs(creven) janne met co(n)sente/ der facteurs vand(en) voirs(creven) hee(re)n opden voirs(creven)/ xix[en] dach junii a(nn)[o] lxxxviii lestleden in/ pechtinge(n) uutgegeve(n) hadde drie en(de) een/ half boende(re)n lants den voirs(creven) hee(re)n toebehoiren(de)/ eenen t(er)mijn van xii jai(r)en jairlijcx om drie/ mudden corens en(de) noch tande(re)n tijden een/ dach(mael) beemps oic den selve(n) hee(re)n toebehoiren(de)/ in pomerot gelege(n) te nethen(en) om en(de) voir/ xv st(uvers) heeft den selven janne vand(er) pechti(n)ge(n)/ vand(en) landen en(de) beemde voirs(creven) van nu vortaen(e)/ v(er)dragen en(de) hebben malcande(re)n d(aer)af quijt/ gescouden Item de voirs(creven) he(n)rick heeft/ gekint en(de) geleden dat de voirs(creven) jan hem/ duechdelijc geleent heeft tot behoef der/ selv(er) hee(re)n vii mudden corens pag(abilis) cu(m)/ va(nn)[o] mensu(r)e lovan(iensis) die hij hem sal laten/ volgen vand(er) selv(er) hee(re)n goeden ten oighste/ naistcomen(de) Ende alle dese voirw(er)den (et)c(etera)/ Cora(m) hoeven buetsele januarii xii