Vand(er) aenspraken die gordt bubbele(re) gedaen/ heeft op he(n)ricke bollens aengaen(de) eend(er)/ schalen die de voirs(creven) gordt hem geleent/ hadde om te scutten(e) de pandinge van seke(re)n/ erfchijse die de voirs(creven) he(n)rick van zijne(n) huyse/ sculdich was Welke schale de voirs(creven) henrick/ hem geloeft hadde wed(er) te kee(re)n en(de) te lossen/ bynne(n) acht dagen doen naistcomen(de) ende/ nu lange ov(er)leden Ende wa(n)t de selve / he(n)rick hem de schale niet wed(er)gekeert en/ hadde wat vervolghs hij d(aer)om te meer stonde(n)/ gedaen hadde sustineerde de voirs(creven) gordt voir/ zijne(n) conclusie(n) dat hem de voirs(creven) he(n)rick sculdich/ soude zijn de voirs(creven) schale te restitue(re)n oft d(aer)af/ te hebben(e) des voirs(creven) gorts moet te voirde(re)/ wa(n)t de voirs(creven) gordt hem tghene des hij bijgeleet/ hadde deylde mett(er) eedt te geven(e) en(de) te/ nemen(e) d(aer)tegen de voirs(creven) henrick hem v(er)ant/ weerden(de) bekinde genoech tghene des voirs(creven)/ is geschiet te zijne sustineerde te hebben(e)/ dage om metten voirs(creven) gorde te ov(er)comen/ en(de) antwoirde luttel and(er)s ter mate(r)ien/ dienen(de) den voirs(creven) gorde trecht vort v(er)sueken(de)/ Es gewijst met vo(n)nisse ter maniss(en) smeyers/ dat de voirs(creven) henrick sculdich sal zijn de/ voirs(creven) schale den voirs(creven) gorde te r(e)stitue(re)n oft/ d(aer)af te hebben(e) zijnen goeden moet in sca(m)pno/ p(rese)nt(ibus) lyefke(n)rode keersmake(re) hoeve(n) buetsele/ scab(inis) januarii xi