It(em) de voirs(creven) meest(er) arndt en(de) zijne huysvr(ouwe)/ in p(rese)ncia hebben gekint en(de) gelede(n) dat zij/ gheen recht oft actie en hebben in alsulken/ drie [goud(en)] florenssche guld(en) erflic als staen v(er)ond(er)pant/ op huys en(de) hof gelege(n) ter speckelt ond(er) de/ banck van putte diemen te leene houden(de)/ es van janne vand(er) synne(n) te mechele(n) en(de)/ die de voirs(creven) arndt aen hem o(n)tfanghe(n) heeft/ niet tegenstaen(de) der deylinge(n) d(aer)af tande(re)n/ tijden gebuert voir scepen(en) der banck van putte/ Geloven(de) [aen] de selve drie flore(n)ssche guld(en) ne(m)/ mermeer e(n)nich recht te p(re)tende(re)n mair/ tvoirs(creven) hue(r) recht en(de) actie dwelc zij hebbe(n)/ oft pretende(re)n mochte(n) mits des(er) geheelijc/ quijtscelden(de) hebben vorts bekint dat hen/ de voirs(creven) arndt volcomelijc genoech gedaen heeft/ van alsulken twee r(insch)guld(en) erflic als de/ selve arndt der voirs(creven) jouffr(ouwe) magrieten/ tande(re)n tijden bekint heeft voir notar(is) en(de)/ getuygen te mechelen dair notar(is) af was/ jan rijkart voirspreke te mechelen d(aer)af den
//
voirs(creven) arnde oic geheelijc quijtscelden(de) behalve(n)/ hen hue(re)n acht(er)stel van dien geloven(de) den voirs(creven)/ arnde de brieve vand(en) voirs(creven) drie flore(n)sche guld(en)/ en(de) oic vand(en) twee rinschguld(en) erflic over te/ geven(e) tzijnd(er) manissen Geloven(de) vort oft den/ voirs(creven) arnde uut saken vand(en) selve(n) drie flor(enssche)/ g(ulden) erflic om des o(n)tfangs wille dwelc de hee(r)/ vand(en) leene meyndt dat de selve meest(er) arndt/ sculdich soude zijn van doen(e) [e(n)nige(n) last oft cost gedaen wordde] dat zij den selve(n)/ arnde d(aer)af inne staen sulle(n) en(de) hem d(aer)af o(n)theffe(n)/ Eisd(em)