Item de voirs(creven) henrick en(de) lodewijck voir/he hem en(de) inden name als voi(r)e hebben/ gekint en(de) geleden dat tusschen hen eene/ ma(n)gelinge es gebuert vand(en) voirs(creven) beemde/ gelegen in love(n)ne(re)nbroeck den welken de/ voirs(creven) henrick den voirs(creven) lodewijke en(de) zijne(n)/ kinde(re)n ov(er)gegeven heeft inde stat vand(en)/ welken de voirs(creven) lodewijcke den selve(n) he(n)ricke/ zijne(n) oom ov(er)gegeve(n) gecedeert en(de) getra(n)sporteert/ heeft vijf r(insch) guld(en) erflic die hij hadde op/ seke(re) goede vrancx willemair Elck van/ hen op des and(er)s wisselinge behoirlijck worpen(de)/ en(de) v(er)thijen(de) Eisd(em)