Alsoe als ten v(er)volge claes de keersmake(re)/ geleydt zijnde nae den rechte van des(er) stadt/ uut crachte van scepen(en) brieve(n) van loven(en)/ tot alle den goeden beide have en(de) erve/ jans wilen van eertrijke sone wilen g(or)ts/ jans van eertrijke sone wilen jans en(de)/ raes vand(er) rivie(re)n soe wair die gelegen/ zijn gescreve(n) es geweest met brieve(n)/ van des(er) stadt aen den meye(r) van ned(er)/ lynthe(re) oft zijne(n) stadhoude(r) hem alle de/ selve goede te leve(re)n en(de) te doen volge(n)/ oft den bring(er) vand(en) voirs(creven) brieve(n) in zijne(n)/ name Ende dat in gevalle van oppo/ sicien de voirs(creven) p(er)sonen hue(r) kinde(re) erfge/ namen oft wynne alhier comen wae(re)n inde/ banck voir meye(r) en(de) scepen(en) van loven(en) op/ heden te mistijde ald(aer) de voirs(creven) p(er)sone(n)/ oft yemant van hue(re)n wegen niet en zijn/ geco(m)pareert den voirs(creven) geleidden co(m)pare(re)nde/ en(de) trecht vort v(er)sueken(de) Soe hebben de/ scepen(en) van loven(en) yerst aengehoirt gielijse/ eveloege bode te voete van des(er) stadt die/ cleerde bij zijnen eede de leveri(n)ge en(de) dach/ bescheidinge voirs(creven) behoirlijck geschiet te/ zijnen ter maniss(en) smeyers gewesen met/ vo(n)nisse datmen den den voirs(creven) geleidden vand(en)/ voirs(creven) goeden houden soude inde macht/ van zijne(n) scepen(en) brieve(n) beleide soe v(er)re/ het noch voir hen scepen(en) comen es in/ sca(m)pno julii x ap(ri)lis xxiii