Alsoe als ten vervolge svoirs(creven) claes vasont alse p(ro)cur(eur)/ des voirs(creven) willems van gheele geleyt zijnde nae des(er)/ stad recht voir sijn wettich gebreck uuyt crachte va(n) scepen(en)/ brieve(n) van loeven(e) tot alle(n) den goeden beyde have ende/ erve jacops vander smissen ende jans van hondshem des/ jongen soe wair die gelege(n) sijn Met brieve(n) va(n) des(er)/ stad gescreve(n) es geweest aen den meye(r) van herssele/ oft zijne(n) stadhoude(r) ende versocht zee(r) ernstelijc alle der/ voirs(creven) p(er)soene(n) goede te leve(re)n den voirs(creven) geleydde(n) oft den/ bringer ons(en) voirbr(ieven) in zijne(n) name ende den voirs(creven)/ jacoppe sijnder huysvr(ouwe) en(de) der huysvr(ouwe) des voirs(creven) jans/ van hondshem oft zij teg(en) de voirs(creven) leveri(n)ge hadden/ willen allige(re)n dach van rechte op heden dienen(de) alh(ier)/ te compare(re)n inde banck voir meye(r) en(de) scepen(en) van/ loeven(e) te bescheyden(e) aldair zij noch p(ro)cur(eur) van hue(re)n/ weg(en) niet en sijn geco(m)pareert den voirs(creven) geleydde(n) compareren(de)/ en(de) trecht voirt versueken(de) soe verre dat scep(enen) van/ loeven(e) ter maniss(en) smeyers nae dat hen behoirlijc gebleke(n)/ was bij cleerniss(en) giel(ijs) eveloege des(er) stad bode de voirs(creven)/ leveri(n)ge en(de) dachbesch(eyden) geschiet te sijne gewese(n) hebbe(n) met/ vo(n)nisse datme(n) den voirs(creven) geleydden vande(n) voirs(creven) goeden/ houden soude inde macht van zijne(n) scep(enen) brieve(n) soe verre/ het noch voir hen comen was eisd(em)