Alsoe als ten vervolge claes vasont alse p(ro)cur(eur) willems/ van gheele geleyt zijnde nae des(er) stad recht voir/ sijn wettich gebreck uut crachte van scepen(en) brieve(n)/ van loeven(e) tot alle(n) den goeden beyde have ende erve/ roelants vanden beempde soe wair die gelegen sijn/ gescreve(n) es geweest met brieve(n) van des(er) stad aen/ allen officie(re)n ende versocht zee(r) ernstelijc alle des voirs(creven)/ roelants goeden te leve(re)n ende te doen volgen den voirs(creven)/ clase oft den bring(er) ons(er) voirs(creven) brieve(n) in zijne(n) name
//
ende den voirs(creven) roelande ende henricke vanden/ berghe oft zij hen d(air) teg(en) hadden wille(n) oppone(re)n dach/ van rechte op heden dienen(de) alh(ier) te compare(re)n inde/ banck voir meye(r) ende scepen(en) van loeven(e) te bescheyden(e)/ tot welken daghe gheen vande(n) voirs(creven) p(er)soene(n) en/ es geco(m)pareert den voirs(creven) geleydden compare(re)nde en(de)/ trecht voirts versueken(de) soe verre dat scepen(en) van/ loeven(e) ter maniss(en) smeyers nae dat hen behoirlijc gebleke(n)/ was bij r(e)scripte en(de) c(er)tificatie(n) der meyers van hersselt/ en(de) houtvin de voirs(creven) leveri(n)ge en(de) dachbesch(eyden) behoirlijc/ geschiet te zijne gewesen hebbe(n) met vo(n)nisse datme(n)/ den voirs(creven) geleydden vanden voirs(creven) goeden houden soude/ inde macht van zijne(n) scepen(en) brieve(n) soe verre het noch/ voir hen scepen(en) come(n) was In scampno cor(am) om(n)ib[(us)]/ dempt(is) abs(oloens) tymple vynck nove(m)br(is) xix