Nae dien claes de coste(re) rintm(eeste)r m(ijns) hee(re)n van s(in)te/ g(er)truyde(n) geleyt zijnde nae des(er) stad rechte voir zijn/ wettich gebreck uut crachte van scepen(en) van loeven(en)/ tot alle den goeden beyde have en(de) erve jans van b(er)them/ soe wair die gelegen zijn hem met eene(n) diene(r)/ van des(er) stad alle de selve goede heeft doen leve(re)n/ en(de) den voirs(creven) ja(n)ne oft hij hem dair tegen hadde/ wille(n) oppone(re)n dach van rechte doen bescheiden alh(ier)/ te compare(re)n inde banck voir meye(r) en(de) scepen(en) van/ loeven(en) aldair jacop witteman als procur(ator) als hij/ seyde compareerde ende den voirs(creven) claes trecht/ voirts versueken(de) Soe dat scepen(en) van loeven(en)/ ter manissen smeyers gewesen hebben met vo(n)nisse/ nae dat hen behoirlijck gebleken was bij cleernissen/ jans berayn vorste(r) de voirs(creven) leveri(n)ge en(de) dach besch(eydinge)/ aen den voirs(creven) ja(n)ne gedaen te zijne dat men den/ voirs(creven) geleydden vand(en) voirs(creven) goeden houden sal/ inde macht van zijnen scepen(en) brieve(n) soe verre/ het noch voir hen scepen(en) comen is Ende dat/ jacop voirs(creven) mach doen blijken van zijnd(er) p(ro)cur(aci)[e]/ ten naesten dage cor(am) o(mn)ibus dempt(o) boech(out) maii xviii