Alsoe als ten vervolge jouff(rouwe) kathelijne(n) vand(en)/ bossche beghine geleydt zijnde nae des(er) stad/ recht voir haer wettich gebreck uut crachte/ van scepen(en) brieve(n) van loeven(en) tot alle de goede/ beyde have en(de) erve henricx wijlen scoe(n)makers/ en(de) clasens volkens soe wair die gelegen zijn/ gescreve(n) is geweest met brieve(n) van des(er) stad/ aen den meye(r) van sichen(en) oft zijne(n) stadhoude(r)/ te waenrode Ende versocht zee(r) ernstelijc alle/ des voirs(creven) henricx et claes goede te leve(re)n en(de)/ te doen volgen den voirs(creven) geleydde(n) oft den/ bring(er) ons(er) brieve(n) in hue(re) name Bij alsoe oft/ de selve claes oft de weduwe des voirs(creven) wijle(n)/ henricx hen dair tegen hadde(n) wille(n) oppone(re)n/ dach van rechte op heden dienen(de) te bescheyden(e)/ Aldaer zij noch nyma(n)t van hu(n)nen wegen en/ es gecompareert de voirs(creven) wed(uw)[e] compare(re)nde en(de)/ trecht voirts v(er)sueken(de) Soe dat scepen(en) van loeven(en)/ ter maniss(en) smeyers gewesen hebbe(n) met vo(n)nisse/ nae dien hen behoirlijck gebleke(n) heeft bij r(e)scripte/ gielijs eveloege bode te voete van des(er) stad de voirs(creven)/ leveri(n)ge en(de) dach bescheydi(n)ge behoirlijc geschiet te/ zijne dat men den voirs(creven) geleydde(n) vand(en) voirs(creven)/ goede(n) houde(n) sal inde macht van hue(re)n scepen(en) brieve(n)/ Soe verre het noch voir hen scepen(en) comen was/ In scampno Eisd(em)