Item de voirs(creven) willem van ghele heeft gecleert bij zijnd(er)/ bescheydenheid dat de bate vand(en) voirs(creven) huyse/ vercocht is negen rynsgulden(en) erflijc den d(enier) xviii/ nu ter tijt loop hebben(de) met rechte en(de) op hoege(n) met/ zijnen behorlijcke(n) kercgeboden en(de) ten bijsijne der voirs(creven)/ wed(uw)[en] voe(r) de schult van vie(r) rijders te xxviii stuv(er)s/ tstucke iii pl(a)c(ken) den stuv(er) erflijc vercregen opten lesten/ dach van januar(io) a(n)no lxxxii lestleden Ende want/ tvierstael alsdoen dede ii(½) st(uvers) en(de) xv gr(oten) Soe sijn de vier/ rijders geestimeert op lxxx rinsgulden(en) xii stuv(er)s en(de) xv gr(oten)/ en(de) de verloepe(n) rinte van drie jae(re)n op xvi r(ins) guld(en) xvi stuv(er)s Soe compt willem(me) tsame(n) xcvii r(ins) guld(en)/ viii stuv(er)s xv gro(ten) tvierstael gerekent op twee stuv(er)s/ Ende want de voirs(creven) vie(r) rijders vie(r) maende(n) gevalle(n)/ zijn soe heeft hem de voirs(creven) aernt gegeven de pri(n)cipale/ pe(n)ni(n)gen van i(½) stuv(er) en(de) xvi mit(en) erflijck Soe ov(er)t/ daer drie rinsgulden(en) en(de) eene(n) halve(n) erflijck die/ den voirs(creven) willem(me) bekint zijn te dier meyni(n)gen/ want hij warantscap gelooft dat oft men bevonde/ meer uute(n) voirs(creven) goede(n) gaen(de) dan de voirs(creven) xlvii/ stuv(er)s dat willem dat aen(den) voirs(creven) iii(½) rinsgulden(en)/ verhalen soude moege(n) met alle coste(n) en(de) co(m)me(r)/ en(de) oic dat willem van gheele de voirs(creven) iii(½) r(ins) g(ulden)/ sal moege(n) aenveerde(n) oft sijne nacomeling(en) nae de/ doot vand(er) voirs(creven) wed(uw)[en] in mi(n)dernissen van tgene/ des hem willem lobbe noch tachters zijn mach/ Dair toe hij oick geleydt is die met zijnd(er) huysvr(ouwe)/ erfman is vand(en) voirs(creven) iii(½) rinsgulden(en) Item de/ hoegen(en) gedragen ii(½) r(ins) gulden(en) en(de) den wijn/ gedraecht xxxv stuv(er)s dair af hij betaelt heeft/ tgelach gedragen(de) ii rinsgulden(en) den clerck die/ twee reysen op tvercoepen geseten heeft want/ ter yerster reysen niet vercocht en was xii/ stuv(er)s Item voe(r) de guedinge xxviii stuv(er)s ende/ tsurplus heeft de wed(uw)[e] met voirweerde(n) oick/ dat soe wa(n)neer de voirs(creven) arnt de twee r(ins) guld(en)/ erflijc aflecht dat hij de geheele pontpe(n)ni(n)gen/ dragen sal Item is oic voirweerde dat soe wa(n)neer/ de voirs(creven) willem lobbe en(de) zijn huysvr(ouwe) den voirs(creven)/ willem(me) van ghele contente(re)n vand(en) beleyde
//
dat hij op huer goeden heeft hem de voirs(creven) iii(½) r(ins)/ gulden(en) erflijck volgen sulle(n) en(de) niet eer/ Behalve oick dat willem van ghele zijn/ actie behouden sal vand(en) vie(r) rijders die lod(ewijck)/ van maerbeke gelooft heeft te betalen(e) vand(en)/ vie(r) jae(r) gevalle(n) Eisd(em)