Alsoe als ten vervolghe h(er) lod(ewijck) van maerbeke priesters/ geleydt zijnde nae des(er) stad recht voir zijn wettich/ gebreck uut crachte van scepen(en) brieve(n) van loeven(en) tot/ allen den goeden beyde have en(de) erve willems van/ hugarden en(de) machtelt van haeltert zijnder huysvr(ouwe)/ soe wair die gelegen zijn met brieve(n) van des(er) stadt/ gescreven is geweest aen den meye(r) van werchte(r) oft/ zijnen stadhoude(r) en(de) versocht zee(r) ernstelijck alle/ de goede der voirs(creven) gehuysschen te leve(re)n en(de) te doen/ volgen den voirs(creven) gehuysschen geleydden oft den bring(er)/ ons(er) brieve(n) in zijne(n) name Bij, alsoe oft de voirs(creven)/ gehuysschen hen dair tegen hadden wille(n) oppone(re)n/ dach van rechte op heden dienen(de) [alh(ier) te compare(re)n inde banck voe(r) meye(r) en(de) scepen(en)] te bescheyden(e) Aldair/ de voirs(creven) gehuysschen noch nyemant van hu(n)nen/ wege en is gecompareert den voirs(creven) geleydde(n)/ compare(re)nde en(de) trecht voirts versueken(de) soe dat/ scepen(en) van loeven(en) ter manissen smeyers gewesen/ hebben met vo(n)nisse nae dat hen behoirlijc gebleken/ heeft bij cleernisse gielijse eveloeghe bode te voete/ van des(er) stad de voirs(creven) leveri(n)ge en(de) dachbesch(eydinge)/ behoirlijc geschiet te zijne dat men den voirs(creven) geleydde(n)/ vand(en) voirs(creven) goeden houden sal inde macht van zijne(n)/ scepen(en) brieve(n) soe verre het noch voir hen scepen(en) come(n)/ was In scampno cor(am) o(mn)ibus dempt(is) lyefk(enrode) g(ra)ven/ junii iiii