Vand(er) questien ov(er)staen inde banck voir/ meye(r) en(de) scepen(en) van loeven(en) tusschen hee(er)n/ lod(ewijck) gielijs p(er)soon tot oisterwijck ter eender en(de)/ willem(me) van hug(ar)den porte(r) van des(er) stadt/ oft jacoppe witteman als procur(ator) desselfs/ willems ter eender [andere] zijden Ald(air) de voirs(creven) h(er)/ lod(ewijck) dede opdoen hoe dat hij ov(er)lange(n) tijt/ questie en(de) gedinge uutstaen(de) hadde gehadt/ tegen den voirs(creven) willem(me) uut saken vand(en)/ pechtinge(n) vand(en) hove en(de) goeden geh(eten) te stade/ gelege(n) inde prochie van bethekem omtr(int)/ aerschot dwelc de voirs(creven) h(er) lod(ewijck) voir seke(re)/ verloep van lijfrinte(n) in hande(n) heeft d(air)af/ seke(re) vo(n)nisse ten vordele desselfs hee(re)n/ lod(ewijcke) ierst taerschot en(de) d(air) nae te werchte(r)/ Dair hij den selve(n) willem(me) hadde bevonde(n)/ tussche(n) he(m) en(de) den selve(n) willem(me) wae(re)n gegeve(n)/ en(de) als deselve h(er) lod(ewijck) zijn vo(n)nissen ter/ executien hadde doen stellen hadde de selve/ poirte(r) metter vrijdich(eit) van zijnd(er) porterien/ de selve excutie doen uutscriven niet tegen/ staen(de) dat hij de selve zijn vrijdich(eit) voir e(n)nige/ vand(en) selve(n) ii vo(n)nissen noyt en hadde geallig(er)t/ oft in e(n)nige(n) vand(en) voirs(creven) twe gerichten te/ kynne(n) hadde gegeve(n) dwelc de voirs(creven) h(er) lod(ewijck)/ alsoe oft he(m) ontkint wordde p(rese)nteerde te/ thoenen(e) sustine(re)nde voir zijn conclusie dat de/ voirs(creven) poirte(r) met zijne(n) uutscriven(en) v(er)doolt/ wae(re) en(de) dat hij [en(de)] de sake versinden en(de) gere(n)voyeert/ souden wordden ter plaetsen dair hij zijn/ bego(n)nen recht innegesteken en(de) versocht/ hadde dair tege(n) de voirs(creven) wille(m) hem/ v(er)antweerden(en) dede seggen dat he(m) vand(en)/ voirnemen(en) des voirs(creven) he(re)n lod(ewijcks) niet genoech/ en conde verwonde(re)n want nae de voirs(creven)/ vo(n)nissen een accort tusschen hen gemaict/ was bij tusschenspreken(e) van goede(n) ma(n)ne(n)
//
die daer bij en(de) over wae(re)n des hij hem/ gedroech totte(n) selve(n) d(air)mede de gebreke(n) des/ voirs(creven) he(re)n lod(ewijcks) te gelde geslage(n) wae(re)n en(de)/ d(air)af gemaict div(er)se dage(n) en(de) termijne(n)/ van betalinge(n) die de selve willem hen/ voir scepen(en) van loeven(en) gelooft soude/ hebbe(n) te betale(n) d(air)af den eene(n) termijn/ van bamisse nu lestleden was verstreke(n)/ alsoe dat bijd(en) secretar(is) en(de) clerck(en) alh(ier)/ genoech was beworpen mair mits zwairh(eit)/ die de selve h(er) lod(ewijck) d(air)inne alsdoen maecte bleef/ de selve gelofte alsdoen ongepasseert nyetmyn/ hij p(rese)nteerde alnoch de selve gelofte te doen(e)/ en(de) den t(er)mijn van bamisse lestleden optelegge(n)/ en(de) te betalen(e) Seyde voirt dat hij noyt afslach/ en hadde gehadt sustine(re)nde mits dien en(de) ande(re)n/ reden(en) bij he(m) gealligeert dat de sake alh(ier) te rechte/ bliven soude en(de) aengaen(de) den afslage de sake/ bijd(er) stadt beslicht te wordde(n) dair tege(n) de voirs(creven)/ h(er) lod(ewijck) replice(re)nde dede segge(n) dat tgene des zijn/ wederp(ar)tie alligeerde aengaen(de) den contracte/ en(de) accorde dwelc hij p(rese)nteerde te bewijsen(e)/ hij oic gep(rese)nteert hadde hadde te thoen(en) en(de)/ te bewijsen(e) inde banck te werchte(r) des/ hij niet volcomen en was en(de) d(air)op was/ tselve vo(n)nisse aldair gegeve(n) des hij he(m)/ gedroech totte(n) selve(n) vo(n)nisse en(de) aengaen(de)/ den afslage die de selve willem begeerde/ seyde de selve h(er) lod(ewijck) hij was he(m) genoech/ noch eene(n) pacht tacht(er) die noch zeker gevalle(n)/ was soe verre hij afslach behoirde te doen(e)/ was de selve h(er) lod(ewijck) d(air)af te vreden alh(ier)/ te rechte te staen(e) als hij he(m) dien eysschen/ soude p(er)siste(re)nde mits dien en(de) ande(re)n/ reden(en) in zijnd(er) voirs(creven) conclusien es nae dien/ bijd(en) cop(ie) vand(en) vo(n)nisse te werchte(r) gegeve(n)/ en(de) bij joh(ann)e van helmo(n)t gesworen clerck/ vand(er) selv(er) banck gehoirlijc es gebleken
//
dbijleggen des voirs(creven) hee(re)n lod(ewijcks) met vo(n)nisse/ der scepen(en) van loeven(en) ter manisse/ smeyers de sake en(de) p(ar)tien gere(n)voyeert/ ter plaetsen van dair die comen en(de)/ uutgescreve(n) is In scampno cor(am) o(mn)ibus/ dempt(o) py(n)noc nove(m)br(is) vi