Tusschen hee(re)n en(de) meeste(re)n ja(n)ne henri prieste(r)/ als geleydt voir he(m) selve(n) en(de) als procur(ator) zijnder/ brueder en(de) suste(re)n tot allen den goeden beyde/ have en(de) erve jans favetrop ter eender/ en(de) den selve(n) ja(n)ne favetrop diet met brieve(n)/ van des(er) stad onder tschijn te willen purge(re)n/ alsulke(n) contu(m)acie als de selve h(er) jan op zij(n)/ goede heeft hadde doen schorsen tvercope(n) vand(en)/ selve(n) zijn goede(n) ter ande(re) zijden aengaen(de) den/ coste(n) vand(er) selv(er) contu(m)acie(n) die deselve h(er) jan/ ierst en(de) voir al versochte en(de) begheerde/ opgeleet te hebben(e) en(de) dat hij oic antwoirde/ op alsulke(n) aensprake als deselve h(er) jan/ voir he(m) en(de) inden name als voe(r) te he(n)weert/ gedaen hadde Es bij scepen(en) van loeven(e)/ ter maniss(en) smeyers gewijst met vo(n)nisse/ dat de voirs(creven) jan favetrop de coste(n) betale(n) sal/ ter taxacien vand(er) stadt en(de) gelieft den/ selve(n) int p(ri)ncipael te antweerden(e) dat hij/ dat doen mach In scampno eod(em)