Alsoe als ten vervolghe arnts hanckaert/ geleydt zijnde nae des(er) stad recht voir/ zijn wettich gebreck uut crachte van scepen(en)/ brieve(n) van loeven(en) tot allen den goede beyde/ have en(de) erve jans wijlen roode soe wair/ die gelegen zijn met brieve(n) van des(er) stad gescreve(n)/ is geweest aen den meye(r) van libbeke oft zijne(n)/ stadhoude(r) en(de) versocht zee(r) ernstelijck alle/ de goede tvoirs(creven) wijlen jans te leve(re)n en(de) te/ doen volgen den voirs(creven) geleydde(n) oft den bring(er)/ ons(er) brieve(n) in zijne name Bij alsoe oft/ de weduwe des wijlen jans oft yema(n)t/ anders hen dair tege(n) hadde(n) wille(n) oppone(re)n/ dach van rechte op heden dienen(de) alh(ier) te compare(re)n/ inde banck voir meye(r) en(de) scepen(en) van loeven(en)/ te bescheyden(e) Aldair zij noch nyema(n)t anders/ van hue(re)n wegen en is gecompareert den/ voirs(creven) geleydden compare(re)nde trecht voirts/ versueken(de) Soe verre dat scepen(en) van/ loeven(en) ter maniss(en) smeyers met vo(n)nisse/ gewesen hebben nae dien hen behoirlijck/ gebleken heeft bij rescripte stadhouders van/ libbeke die gecertificeert heeft de voirs(creven) leveri(n)ge/ en(de) dach besch(eydinge) behoirlijc geschiet te zijne/ dat men den voirs(creven) geleydde(n) vand(en) voirs(creven)/ goeden houden sal inde macht van zijne(n)/ scepen(en) brieve(n) soe verre het noch voir hen/ scepen(en) comen is In scampno decembr(is) xi