Alsoe als ten vervolge willems van lele als/ procur(ator) des executeurs vanden testame(n)te he(re)n en(de)/ meest(er) willems wijlen ve(re)nacke(re) priesters geleyt/ zijnde nae des(er) stad recht voir zijn wettich/ gebreck uut crachte van scepen(en) brieve(n) van loven(en)/ tot alle de goede beide have en(de) erve onder der/ ande(re)n jans woutiers en(de) willems woutiers/ gebruede(re)n soe wair die gelegen zijn met brieve(n)/ van des(er) stad gescreven is geweest aen den meye(r)/ van werchte(r) en(de) versocht zee(r) ernstelijck alle/ de goede des voirs(creven) jans en(de) willems te doen/ leve(re)n en(de) doen volgen den voirs(creven) geleydde(n) oft/ den bring(er) ons(er) brieve(n) in zijne(n) name Bij alsoe/ oft de voirs(creven) jan en(de) willem oft oick yema(n)t/ anders hen dair tegen hadden willle(n) oppone(re)n/ dach van rechte op heden dienen(de) alh(ier) te compare(re)n/ inde banck voir meye(r) en(de) scepen(en) van loven(en)/ te bescheyden(e) Aldair zij noch nyema(n)t anders/ van hu(n)nen wegen en es gecompareert den/ voirs(creven) geleydden compare(re)nde en(de) trecht voirts/ versueken(de) Soe verre dat scepen(en) van loven(en)/ ter maniss(en) smeyers met vo(n)nisse gewesen/ hebbe(n) nae dien hen behoirlijc gebleken heeft/ bij cleernisse jans dridoens bode te voete van/ des(er) stad de voirs(creven) leveri(n)ge de voirs(creven) leveri(n)ge/ en(de) dach besch(eydinge) behoirlijc geschiet te zijne/ dat men den voirs(creven) geleydden vand(en) voirs(creven)/ goeden houden sal inde macht van hue(re)n scep(enen)/ brieve(n) soe verre het noch voir hen scepen(en)/ comen is In scampno Eisd(em)