Alsoe als ten vervolge (christ)offels van beerhem ende willems/ de naen al(ia)s doels alse man ende mo(m)boir sijnder huysvr(ouwe)/ erfgename(n) van wijlen jouffr(ouwe) marien van vordeele geleyt/ zijnde nae des(er) stad recht voir hue(r) wettich gebreck uuyt/ crachte van scepen(en) brieven van loeven(e) tot alle(n) den goeden/ beyde have ende erve machiels wijle(n) van bouleer soe/ wair die gelege(n) ende met brieve(n) van des(er) stad/ gescreve(n) es geweest aen den meye(r) va(n) vilvoirden oft zijne(n)/ stadhoude(r) te leefdale ende versocht zee(r) ernstelijck alle/ de goede svoirs(creven) wijlen machiels onder v [hem] geleg(en) te leve(re)n/ ende te doen volgen den voirs(creven) geleydden oft den bring(er)/ ons(er) brieve(n) in hue(re)n name ende henricke ende janne/ van bouleer sijne(n) kinde(re)n en(de) hue(re)n wynne(n) oft sij hen dair/ tegen hadden willen oppone(re)n dach van rechte mits/ verstrijke van genecht(en) op heden dienen(de) alhier te compare(re)n/ inde banck voir meye(r) ende scepen(en) van loeven(e) te bescheyden(e)/ aldair gheen van hen noch p(ro)cur(eur) van hue(re)n wegen en es/ gecompareert den voirs(creven) willem(me) compare(re)nde ende/ trecht voirts versueken(de) soe verre dat scepen(en)/ van loeven(e) t(er) maniss(en) smeyers gewesen hebbe(n) met vo(n)nisse/ nae dat hen behoirlijc gebleke(n) heeft bij cleernissen/ gielijs eveloege bode van des(er) stad de voirs(creven) leveri(n)ge/ en(de) dach besch(eydinge) behoirlijk geschiet te sijne Datmen den/ voirs(creven) geleydden vanden voirs(creven) goeden houden sal inde/ macht van hue(re)n scepen(en) brieve(n) soe verre het noch/ voir hen scepen(en) comen is In sca(m)pno cor(am) om(n)ib(us) de(m)pt(is)/ lyefk(enrode) borch aug(usti) iiii