SAL7779, Act: R°156.2-V°156.1 (296 of 809)
Search Act
previous | next
Act R°156.2-V°156.1  
Act
Date: 1493-11-09

Transcription

2022-11-05 by fernand BERTRAND
Alsoe als ten vervolghe jans en(de) h(er)mans van pamele/
geleyt zijnde nae den rechte van des(er) stad uut crachte/
van scepen(en) brieven van loeven(e) tot allen den goeden/
beyde have en(de) erve henricx van houthem soe wair die/
gelegen zijn met brieven van des(er) stad gescreven es/
geweest aen alle officie(re)n alle deselve goede te leve(re)n/
en(de) te doen volgen den voirs(creven) geleidden oft den bring(er) der/
voirs(creven) geleidden brieven in hue(re)enn name Ende den voirs(creven)/
henricke sijn wynnen oft pechteners oft zij hen dair/
tegen hadden willen oppone(re)n dach van rechte alh(ier) te/
compare(re)n inde banck voir meye(re) en(de) scepen(en) van
//
loeven(e) doen bescheidden aldair de voirs(creven) henrick noch/
procur(eur) van zijnen wege en es gecompareert den voirs(creven)/
willem(me) geleidden compare(re)nde en(de) trecht voirts v(er)sueken(de)/
Soe hebben de scepen(en) van loeven(e) nae dien hen behoirlijck/
gebleken heeft bij cleernissen jans dridoens bode te voete/
van des(er) stad die gecleert heeft bij zijnen eede de voirs(creven)/
leveri(n)ge en(de) dach? besch(eidingen) behoirlijck geschiet te zijne/
ter manissen smeyers gewesen met vo(n)nisse dat men/
den voirs(creven) geleidden vand(en) voirs(creven) goeden houden soude/
inde macht van zijnen scepen(en) brieven beleidde soe verre/
het noch voir hen scepen(en) comen is in scampno Eisd(em)
ContributorsGreet Stevens
Moderated byGreet Stevens
Last update: 2018-07-16 by The Administrator