Alsoe als ten vervolghe willems van lele als/ procur(eur) hee(re)n meest(er) jans van cruyni(n)gen/ doctoirs in medicijnen geleyt zijnde nae den/ rechte van des(er) stad voir zijn wettich gebreck/ uut crachte van scepen(en) brieven van loeven(e)/ tot allen den goeden beyde have en(de) erve/ onder den ande(re)n jans wijlen vand(en) berghe/ reynarts ernarts willems vand(en) walsberghe/ jans srintmeesters goirts quistwate(r) jans vand(en)/ berghe janssoene soe wair die gelegen zijn met/ brieven van des(er) stad gescreven es geweest aen/ den meye(re) van s(in)t aechten rode oft zijnen stadhoude(re)/ Ende versocht zee(r) ernstelijck alle de goede/ der voirs(creven) p(er)sone(n) te leve(re)n en(de) te doen volgen/ den voirs(creven) geleidden oft den bring(er) ons(er) brieven/ in zijnen name Ende den voirs(creven) p(er)sonen oft zij/ hen dair tegen hadden willen oppone(re)n dach van/ rechte te beteeken(e) alh(ier) inde banck voir meye(re)/ ende scepen(en) van loeven(e) op heden dienen(de) aldair/ nyemant van hue(re)n wege en es gecompareert/ den voirs(creven) procu(eur) compare(re)nde ende trecht voirts
//
versueken(de) Soe hebben de scepen(en) van loeven(e) ter/ manissen smeyers gewesen met vo(n)nisse nae dien/ hen behoirlijck heeft bij cleernissen boudewijn bellens/ bode te voete van des(er) stad die gecleert heeft/ bij zijnen eede de voirs(creven) leveri(n)ge en(de) dach besch(eidinge)/ behoirlijck bij [den] stadhoude(re) smeyers van s(in)[t] aechten/ rode geschiet te zijne datmen den voirs(creven)/ geleidden vand(en) voirs(creven) goeden houden houden/ soude inde macht van zijnen scepen(en) brieven/ beleidde soe verre het noch voir hen scepen(en) come(n)/ is In scampno Eisd(em)