Alsoe als ten vervolghe matheeus hoomisse geleyt/ zijnde nae den rechte van des(er) stad uut crachte van/ scepen(en) brieven van loeven(e) tot allen den goeden beyde/ have en(de) erve vrancx wijlen h(er)meys en(de) jans van/ bierbeke soe wair die gelegen zijn met brieven/ vand(er) stad gescreven es geweest aen den meye(re)/ van bierbeke oft sijnen stadhoude(re) Ende v(er)socht/ zee(r) ernstelijck alle de goede der voirs(creven) p(er)sonen/ te leve(re)n en(de) te doen volgen den voirs(creven) geleidden oft/ den bring(er) der voirs(creven) brieven in zijnen name/ Ende gheert speelman zijn huysvrouwe hue(r)/ wynnen en(de) den voirs(creven) janne van bierbeke oft/ zij hen dair tegen hadden willen oppone(re)n/ dach van rechte alh(ier) te compare(re)n inde banck voir/ meye(re) ende scepen(en) van loeven(e) doen bescheiden/ Aldair gheen van hen noch procur(eur) van hu(n)nen/ wege en es gecompareert den voirs(creven) geleidden/ compare(re)nde en(de) trecht voirts v(er)sueken(de) Soe/ hebben de scepen(en) van loeven(e) nae dien hen/ behoirlijck gebleken heeft bij rapporte jans/ dridoens de voirs(creven) leveri(n)ge en(de) dach besch(eidingen)/ bijd(en) voirs(creven) meye(re) behoirlijck geschiet te zijne/ ter manissen smeyers gewesen met vo(n)nisse/ dat men den voirs(creven) geleidden vand(en) voirs(creven)/ goeden houden soude inde macht van zijnen/ scepen(en) brieven beleidde soe verre het noch/ voir [hen] scepen(en) comen is Eisd(em)