Item h(er) arndt van meerbeke prieste(r) capellaen/ den kercken van s(in)[te] peters te loeven(e) als executeur/ soe hij seyde vand(en) testame(n)te ende uutersten wille
//
hee(re)n adriaens wijlen de gruyte(re) priesters heeft onder wet/ gestelt drie scepen(en) brieven van loeven(e) tsamen van xii/ rinsgulden(en) lijftochten ten live claes ende peters/ de gruyte(re) natuerlijke kinde(re)n des voirs(creven) [hee(re)n] wijlen [hee(re)n] adriaens/ dair inne de voirs(creven) claes theffen heeft nu tertijt buyten/ lants es om die den selven claese te laten volgen soe/ wa(n)neer hij bynnen lants comen sal zijn oft bij aflivich(eit)/ van hem den voirs(creven) pete(re)n oft dat de selve peet(er) dat doen/ blijken den wet genoech zijnde alsoe dat de voirs(creven) h(er)/ arndt met des(en) stellen(de) aen den voirs(creven) claese oft hij weder/ quame moegen gestaen oft dat de voirs(creven) claes bynnen/ langhen tijden te lande niet en quame en(de) men van zijnen/ leven(e) niet en conste vernemen d(air)mede te geschien(e) soe der/ wet goetdu(n)cken sal ten besorge des voirs(creven) h(er) arnts en(de)/ oic van claese oft hij namaels weder quame en(de) oic/ vand(en) sculders Cor(am) vynck zande novembr(is) xviii