It(em) walterus vanden tymple filius quond(am) walteri/ heeft opgedragen met wettig(er) v(er)thijenissen uuyt/ crachte vanden testame(n)te wilen/ keersmakers zijnd(er) moed(er) oic van eene(n) tractate/ tusschen janne wilen vanden tymple zijnen/ brued(er) en(de) moed(er) voirs(creven) en(de) ande(re)n zijnen/ bruede(re)n gemaict een huys gelegen naist/ der woeni(n)gen m(ijns) hee(re)n smeyers van loven(e) met/ eenen stucke hoefs des voirs(creven) wout(er)s inder breydden/ strecken(de) vanden voirs(creven) huyse tot opden ut(er)sten/ egghe vanden derden pile(re) inden muere ter/ straten ten erve weert des voirs(creven) wouters/ en(de) alsoe vort streckende acht(er)weert linierecht/ tot opden ut(er)sten egghe vanden vierden pile(re)/ inden muer ten ynde vanden voirs(creven) hove/ staende oic ter erven weert des voirs(creven) wout(er)s/ alsoe daer nu naedien een coerde getogen es/ seke(re) putten en(de) staken gesteken en(de) gegraven/ zijn naevolgen(de) den welken [staken en(de) putten voirs(creven)] m(ijn) hee(re) daer/ sal doen maken eenen vrede Met cond(iti)[en]/ vort dat m(ijn) hee(re) lancx der erven voirs(creven) vand(en)/ eenen muere tot den ande(re)n sal doen metsen/ eenen muer d(air)inne bringen en(de) doen setten/ zijn huys dwelc hij heeft staen(de) aen zijnen/ cruythof opden selven muer metsen en(de)/ ty(m)me(re)n alsoe hem gelieven sal behalven/ dat hij gheene vinste(re)n en sal moegen doen/ maken ten erve weert des voirs(creven) wout(er)s/ It(em) dat m(ijn) hee(re) voirs(creven) den muer die hij daer/ setten sal sal moeten doen maken alsoe hooge/ als dien aen tvoirs(creven) huys staen(de) nu es dien/ hij en(de) zijn naecomelingen tot ewigen dage(n)/ sullen moeten ond(er)houden Ende oft soe/ gebuerde dat m(ijn) hee(re) voirs(creven) tvoirs(creven) huys/ dwelc hij alsnu v(er)cregen heeft oft een/ ande(r) dade setten naerde(r) der erven des/ voirs(creven) wout(er)s die hij ald(air) behoudt alsoe hij doen/ mach dat hij in dien gevallen gheene vinste(re)n/ en sal moegen behouden ter erven weert/ des voirs(creven) wouters Et sat(isfacere) Et war(andizare) sub/ valo(r)e vii(½) st(uferorum) ta(m)q(uam) p(ro)ut Cor(am) cav(er)son vynck/ septe(m)bris ix